డే 2 కూడా రజినీకి రిలీఫ్‌ లేదు

తొలిరోజు రికార్డులు కొట్టేశారంటే అర్ధముంది.. రెండో రోజు కూడా రికార్డులు కొట్టేయడం ఏంటండీ బాబూ? ఇదే మన బాహుబలి పరిస్థితి. ఈ సినిమా ఇప్పుడు బాలీవుడ్‌ను షేక్‌ చేయడం కాదు, సౌత్‌లో కూడా పెద్ద పెద్ద స్టార్లకు చమట్లు పట్టించేస్తోంది. నిజమే.. ఈ సినిమా బడ్జెట్‌ స్కేల్‌ పెద్దది, రిలీజ్‌ రేంజ్‌ పెద్దది. కాని ఒక సినిమా ధియేటర్స్‌లోకి వచ్చేశాక మాత్రం.. ఖచ్చితంగా ఆ సినిమా ఆడటం ఆడకపోవడం అనేది మాత్రం కంటెంట్‌ మీదనే ఆధారపడుతుంది.

తొలిరోజు ఇండియాలో బాహుబలి నెట్‌, షేర్‌ కలెక్షన్లు ఏవి చూసుకున్నా కూడా అవన్నీ సూపర్‌స్టార్‌ లింగా సినిమాకు డబుల్‌ ఉన్నాయ్‌. లింగా సినిమా సౌత్‌లో 22 కోట్లు వసూలు చేస్తే.. బాహుబలి దానికి డబుల్‌ వసూలు చేసింది. ఇక రెండో రోజు కూడా సీన్‌ ఇలాగే ఉంది. లింగా సినిమా తొలిరోజు వసూళ్ళకంటే బాహుబలి రెండో రోజు వసూళ్ళు ఎక్కువగానే ఉన్నాయి. రజనీకాంత్‌ సినిమాను బీట్‌ చేసిన బాహబలి, రజనీ ఫ్యాన్స్‌కు రిలీఫ్‌ ఇవ్వట్లేదు. సౌత్‌లో ఇప్పటివరకు డే 1, డే2 పేరిట ఉన్న రికార్డులే కాదు, ఫస్ట్‌ వీకెండ్‌, ఫస్ట్‌ వీక్‌ పేరిటి ఉన్న రికార్డులను కూడా అన్నీ తన పేరిటే రాసుకోనుంది బాహుబలి. వెయిట్‌ అండ్‌ సీ.