బాహుబలి ఖాతాలో అరుదైన రికార్డ్

రాజమౌళి తీసిన అద్భుత దృశ్యకావ్యం బాహుబలి ఇప్పటి వరకూ సాధించిన రికార్డులన్నిటినీ రాయాలంటే.. దానికోసం ఓ రికార్డ్ బుక్ పెట్టాలిపుడు. అన్నేసి సంచలనాలను తన ఖాతాలో వేసుకుంది జక్కన్న కళాఖండం. ఇప్పటికే ఉన్న రికార్డులకు తోడు.. ఇప్పుడు మరొకటి కూడా ఈ మూవీ అకౌంట్ లో జమ అయింది.

అదే ఇన్ స్టాగ్రామ్ ఫాలోయర్స్. ఇప్పుడు బాహుబలిని ఇన్ స్టాగ్రామ్ లో లక్షమంది ఫాలో అవుతున్నారు. బాహుబలి సంచలనాల ముందు, కొల్లగొట్టిన కోట్ల ముందు ఈ లక్ష సంఖ్య తక్కువగానే కనిపించచ్చు కానీ.. ఈ రికార్డ్ ఇన్ స్టాగ్రామ్ లో సాధించనది అనే విషయం మర్చిపోకూడదు. ఫేస్ బుక్ - ట్విట్టర్ మాదిరిగా మన దగ్గర ఈ సోషల్ సైట్ అంత పాపులర్ ఏమీ కాదు. ఠంచన్ గా దీన్ని ఫాలో అయిపోయేవాళ్ల సంఖ్య ఇండియాలో చాలా తక్కువ. అసలు ఈ రికార్డ్ అందుకోవడం ఇప్పటివరకూ ఏ బాలీవుడ్ మూవీకి వల్ల కాలేదు. హిందీ టాప్ స్టార్ల సినిమాలు చాలా అంటే చాలా దూరంలో ఉన్నాయి బాహుబలికి.

బాహుబలికి ఈ రికార్డ్ సాధించడానికి కారణం.. ఆ మూవీకి సంబంధించిన ఏ చిన్న అప్ డేట్ ని మిస్ అవకూడదని ఫ్యాన్స్ భావించడమే. అందుకే (baahubalimovie)ఖాతాని ఇంతమంది ఫాలో అవుతున్నారు. ప్రస్తుతం బాహుబలి 2 షూటింగ్ రామోజీ ఫిలింసిటీలో జరుగుతోంది. యుద్ధ సన్నివేశాలతో పాటు కొన్ని ప్రధాన సీన్స్ ను కూడా తీయాల్సి ఉంది. ప్రస్తుతం ఇంకా 60శాతం షూటింగ్ వర్క్ పెండింగ్ లో ఉందని తెలుస్తోంది.