బాహుబ‌లి చూపిస్తూ.. పరీక్షిస్తున్నారంతే

బాహుబ‌లి సినిమా వేస్తున్నామోచ్‌... అంటూ నెల‌రోజుల నుంచి తెగ ఊద‌ర‌గొట్టేశారు మాటీవీలో. మూడ్రోజుల ముందు నుంచి అయితే బోలెడంత దంచుడు. అందుకే తెలుగు జ‌నాలంతా వెయి్య క‌ళ్ల‌తో ఎంతో ఆస‌క్తిగా ఎదురు చూశారు.

ఇదిగో ఈ శనివారం సాయంత్రాన (అక్టోబర్‌ 24) ప్రసారమైందీ సినిమా. అయితే సినిమా చూస్తున్నంత‌సేపూ ఒక‌టే విసుగు వ‌చ్చేయ‌డం ఖాయం. ప్ర‌తి ప‌ది నిమిషాల‌కు ఓ మారు మ‌ధ్య‌లో యాడ్లు ఒక‌టే దంచుడు. దాంతో పాటే మ‌ధ్య మ‌ధ్య‌లో రాజ‌మౌళి - ప్ర‌భాస్ ఇంట‌ర్వ్యూ లు వేస్తూ ఆడియెన్ స‌హ‌నానికి ప‌రీక్ష పెట్టారనే చెప్పాలి. ఇదేదో మార్కెటింగ్ స్ర్టాట‌జీ అని మాటీవీ ప్ర‌మోట‌ర్స్ భావించి ఉండొచ్చు కానీ బాహుబ‌లి పేరుతో ఇలాంటి హ‌రాస్‌ మెంట్ చేస్తార‌ని ఊహించ‌ని ఆడియెన్ పెద్ద‌గా షాక్‌ కి గుర‌య్యారు.

కొంద‌రైతే ఈ చానెల్‌ ను ప‌క్క‌న‌బెట్టేసి, ప‌క్క చానెల్ లో వ‌స్తున్న మంచు మ‌నోజ్ సినిమాని చూసేందుకు కూడా వెనుకాడటం లేదు. వేరొక చానెల్‌ లో లారెన్స్ మాష్ట‌ర్ హార‌ర్ సినిమా అద‌ర‌గొట్టేస్తోంది.. అదే చూస్తున్నాం అంటున్నారు. సర్లేండి.. 20 కోట్లతో రైట్స్‌ కొనుక్కున్నప్పుడు ఆ మాత్రం యాడ్లు వేసుకోరేంటి మరి. మరోసాటి టెలీకాస్ట్‌ చేసినప్పుడు చూడండి... యాడ్లు లేకుంఆ ఫ్లో బాగుంటుంది.