RRR కి బాహుబలి నిర్మాత సపోర్ట్..!

రాజమౌళి కన్న బాహుబలి కలను నిజం చేసుకునేందుకు ఆర్కా మీడియా అండగా నిలబడింది. బాహుబలి సినిమాను భారీ బడ్జెట్ తో తెరకెక్కించాలని జక్కన్న ప్లాన్ చేయగా ఆయన విజన్ మీద నమ్మకం ఉంచి అడిగినంత బడ్జెట్ పెట్టేశారు. ఇక ఆ సినిమా రికార్డుల గురించి అందరికీ తెలిసిందే. ఆర్కా మీడియా బ్యానర్ లో శోభు యార్లగడ్డ, ప్రసాద్ దేవినేని బాహుబలి మొదటి రెండు పార్టులను నిర్మించారు. ఆ సినిమా తర్వాత కూడా శోభు యార్లగడ్డ రాజమౌళితో టచ్ లో ఉన్నారు.

లేటెస్ట్ గా ఆర్.ఆర్.ఆర్ టీం లోని నాటు నాటు సాంగ్ కు గోల్డెన్ గ్లోబ్ అవార్డ్ వచ్చిన టైం లో కూడా ట్రిపుల్ ఆర్ టీం తో పాటుగా శోభు యార్లగడ్డ కూడా యూఎస్ లో ఉన్నారు. ఆర్.ఆర్.ఆర్ అసలు నిర్మాత డివివి దానయ్య కాగా ఆయన ఇండియాలోనే ఉండగా గోల్డెన్ గ్లోబ్ అవార్డ్ వేడుకకు శోభు యార్లగడ్డ అటెండ్ అయ్యారు. శోభు యార్లగడ్డ ఈ ఈవెంట్ లో ఆర్.ఆర్.ఆర్ టీం తో కనిపించడానికి రెండు రీజన్స్ చెబుతున్నారు. అందులో ఒకటి ఆయన కూడా రాజమౌళి ఫ్యామిలీ మెంబర్ కాబట్టి ఆయన ఉండొచ్చని అంటున్నారు.

ఇక మరో రీజన్ ఏంటంటే ఆర్.ఆర్.ఆర్ ను యూఎస్ లో ప్రమోట్ చేయడంలో శోభు యార్లగడ్డ తన టీం తో పనిచేసినట్టు తెలుస్తుంది. అంతేకాదు హాలీవుడ్ ప్రముఖలకు కూడా ఆర్.ఆర్.ఆర్ చేరేలా వారి రెస్పాన్స్ ని కూడా మీడియాకి తెలిసేలా శోభు టీం సపోర్ట్ చేసిందట. అందుకే గోల్డెబ్ గ్లోబ్ అవార్డ్ అందుకున్న తర్వాత ఆర్.ఆర్.ఆర్ టీం దిగిన ఫోటోలో శోభు యార్లగడ్డ కూడా కనిపించారు.

కారణం ఏదైనా మన తెలుగు సినిమాను ప్రపంచస్థాయి సినిమాల సరసన చేర్చేందుకు శోభు సహకరించారని తెలుస్తుంది. బాహుబలి లాంటి సినిమా తీసినప్పుడే రాజమౌళి సినిమా గురించి ప్రపంచం మొత్తం మాట్లాడుతుందని ఊహించారు. వారు అనుకున్నట్టుగానే రాజమౌళి ఆర్.ఆర్.ఆర్ తో ఇంటర్నేషనల్ లెవల్లో గుర్తింపు తెచ్చుకున్నాడు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.