బాహుబలి టీం.. వాటి గురింటి మాట్లాడరేం!

బాహుబలి.. ఈ పేరే ఒక బ్రాండ్ అయిపోయింది. బాహుబలి ది కంక్లూజన్ టాలీవుడ్ సినిమాగా మొదలయ్యి.. రిలీజ్ సమయానికి నేషనల్ లెవెల్ కి.. ఆ తర్వాత ఇంటర్నేషనల్ రేంజ్ విజయం సాధించాక.. బాహుబలి యూనిట్ చాలా విషయాల్లో కేర్ ఫుల్ గా ఉంటోంది. వాళ్లు వీళ్లు యాక్ట్ చేస్తున్నారంటూ.. ఏవైనా రూమర్స్ వస్తే ఖండించడం లాంటివి బాగానే చేశారు.

కానీ ఇప్పుడు బాహుబలి నిర్మాతలతోపాటు ఆ మూవీ నైజాం డిస్ట్రిబ్యూటర్ పై ఐటీ రెయిడ్స్ అన్న వార్తలు వచ్చాయి. దాదాపు 60 కోట్లను సీజ్ చేశారనే న్యూస్ సంచలనం అయినా.. దీనిపై బాహుబలి టీంలో ఒక్కరు కూడా స్పందించలేదు. క్లారిటీ ఇచ్చే ప్రయత్నం కూడా చేయలేదు. దీంతో బాహుబలిపై ఐటీ దాడుల విషయంలో మీడియా చెప్పిన యాంగిల్ లోనే జనాలు ఫిక్స్ అయిపోతున్నారనే టాక్ వినిపిస్తోంది. అలాగని ఈ యూనిట్ అంతా మీడియా కంటపడకుండా ఉందనుకుంటే పొరపాటే.

బెంగళూరులో జరుగుతున్న కామిక్ కాన్ లో పాల్గొని.. కామిక్ సిరీస్ ను.. వీఆర్ ఎక్స్ పీరియన్స్ ను ప్రమోట్ చేస్తున్నారు నిర్మాత. మరోవైపు మాయాబజార్ రెస్టారెంట్ కి వచ్చిన దర్శకుడు రాజమౌళి దాని గురించి ట్వీట్స్ చేస్తున్నాడు తప్ప.. సినిమా గురించి కానీ.. ఐటీరెయిడ్స్ గురించి కానీ ట్వీట్ చేయడం లేదు. జనాలందరిలోనూ ఓరేంజ్ లో ఇంట్రెస్ట్ క్రియేట్ చేసిన మూవీపై వచ్చిన వ్యతిరేక వార్తలపై.. కనీసమాత్రంగా అయినా స్పందిస్తే బాగుండేదనే టాక్ వినిపిస్తోంది.

Like Us on Facebook : https://www.facebook.com/Tupakidotcom/