బిగ్‌ బాస్‌: హౌస్‌ లో గ్రూపు రాజ‌కీయాలు... అత‌డే టార్గెట్‌

బిగ్ బాస్ హౌస్‌ లో రాజకీయాలు మొదలైనట్లు ఉన్నాయి. గత కొన్ని రోజులుగా పునర్నవి అండ్ కో బ్యాచ్ బాబా భాస్కర్ ని గట్టిగా టార్గెట్ చేసుకున్నట్లు కనిపిస్తోంది. ఆ బ్యాచ్ తో పాటు అలీ కూడా రీఎంట్రీ ఇచ్చిన దగ్గర నుంచి బాబానే టార్గెట్ చేసుకునే గేమ్ ఆడుతున్నాడు. అయితే ఎవరినైనా ఇబ్బంది పెట్టి గేమ్ ఆడితే టార్గెట్ చేయొచ్చు. కానీ కష్టపడి గేమ్ ఆడి గెలిచినా....టార్గెట్ చేసి మరి ఓడించారు. బుధవారం ఎపిసోడ్లో ఈ వారం బ్యాటిల్ ఆఫ్ మెడాలియన్ టాస్క్ లో భాగంగా లెవల్ 1 జరిగింది. అందులో వరుణ్-రాహుల్ కుమ్మక్కయ్యి బాబా భాస్కర్ - శ్రీముఖిని అడ్డుకుని వితికాని గెలిచేలా చేశారు.

అయితే బ్యాటిల్ ఆఫ్ మెడాలియన్ టాస్క్ రెండో లెవెల్ గురువారం ఎపిసోడ్ లో జరిగింది. ఇందులో భాగంగా బ్యాలెన్స్ ఫ్రేమ్ అనే టాస్క్ ఇచ్చారు. ఈ టాస్క్ లో శ్రీముఖి - అలీ - శివజ్యోతి - బాబా భాస్కర్ లు పోటీ చేశారు. ఈ టాస్క్ లో మొదట శ్రీముఖి బ్యాలెన్స్ తప్పి గేమ్ నుంచి ఔట్ అవ్వగా...ఆ తర్వాత అలీ బ్యాలెన్స్ తప్పాడు. ఇక చివరి వరకు శివజ్యోతి - బాబాల మధ్య బ్యాలెన్సింగ్ పోటీ జరిగింది. లాస్ట్ లో జ్యోతి కూడా బ్యాలెన్స్ తప్పడంతో బాబా విన్నర్ గా నిలిచాడు.

ఈ టాస్క్ ముగియడమే బ్యాటిల్ ఆఫ్ మెడాలియన్ లెవల్ 1‌లో విజేతగా నిలిచిన వితికాకు - బ్యాటిల్ ఆఫ్ మెడాలియన్ లెవల్ 2 విజేతగా నిలిచిన బాబా భాస్కర్‌ లలో అసలు విజేత ఎవరో తేల్చాలని బిగ్ బాస్ ఇంటి సభ్యులకు వదిలేశారు. ఈ ఇద్దరిలో మీకు ఇష్టమైన కంటెస్టెంట్‌ కి బొట్టు పెట్టాలని - ఇష్టంలేని కంటెస్టెంట్‌ తలపై గుడ్డు పగల కొట్టాలని బిగ్ బాస్ టాస్క్ ఇచ్చారు. దీంతో శ్రీముఖి - మహేశ్ - శివజ్యోతి మినహా....వరుణ్ - రాహుల్ - అలీ - పునర్నవిలు వితికా గ్రూప్ కావడంతో బాబాని టార్గెట్ చేసుకుని గేమ్ ఆడారు.

వారు వితికాను బెస్ట్ పెర్ఫామర్‌ ని చేసి బాబా తలపై గుడ్డు పగలగొట్టి విలన్‌ కి చేశారు. మొత్తంగా బాబా భాస్కర్ ని ఒంటరిని చేసి గేమ్ ఆడేశారు. నిజానికి మొదటి లెవెల్ ల్లో రాహుల్ బాబాని - వరుణ్ శ్రీముఖిని టార్గెట్ చేసి వారు ఓడిపోయేలా చేసి... వితికాని గెలిపించేలా చేశారు. అయితే రెండో లెవెల్లో ఎవరి సాయం లేకుండా బాబా కష్టపడి విన్నర్ గా నిలిచాడు. అయినా సరే వారు గ్రూపు రాజకీయాలు చేసి బాబాని ఓడించారు.