బిజీ బాబు కూడా ఏప్రిల్ రేసులోనే!!

టాలీవుడ్ కి ఏప్రిల్ నెల ఇప్పటికే ఫుల్ ప్యాక్ అయిపోయిన విషయం తెలిసిందే. ఈ నెల 24న వస్తున్న కాటమరాయుడు.. ఏప్రిల్ లో కూడా సత్తా చాటడం.. థియేటర్లు నిలబెట్టుకోవడం ఖాయమే. మార్చ్ 29న శర్వా నటించిన రాధా రిలీజ్ కానుంది.

ఇక ఏప్రిల్ అయితే.. మరీ టైట్ గా ఉంది పరిస్థితి. ఏప్రిల్ 7న వెంకటేష్ గురు.. మణిరత్నం చెలియా.. అల్లు శిరీష్-మోహన్ లాల్ నటించిన 1971 భారత సరిహద్దు రిలీజ్ కానున్నాయి. ఏప్రిల్ 14న వరుణ్ తేజ్-శ్రీనువైట్ల కాంబినేషన్ లో రూపొందిన మిస్టర్ విడుదల కానుంది. ఏప్రిల్ 28న బాహుబలి విడుదలవుతుండడంతో.. తర్వాతి వారంలో సినిమా లేదు. కానీ శ్రీనివాస్ అవసరాల నటించిన అడల్ట్ కంటెంట్ మూవీ 'బాబు బాగా బిజి' కూడా ఏప్రిల్ రేసులో జాయిన్ అయింది. ఏప్రిల్ 13న ఈ చిత్రాన్ని రిలీజ్ చేస్తున్నట్లు నిర్మాత అభిషేక్ నామా ప్రకటించారు.

బాహు బాగా బిజీ చిత్రానికి ఇప్పటికే షూటింగ్ పార్ట్ కంప్లీట్ చేసుకోగా.. ప్రస్తుతం పోస్ట్ ప్రొడక్షన్ పనులు జరుగుతున్నాయి. శ్రీముఖి.. తేజస్వి.. మిస్తీ చక్రవర్తి.. సుప్రియలతో శ్రీనివాస్ అవసరాల చేయనున్న అల్లరి ఈ మూవీకి హైలైట్ కానుండగా.. ఎమోషన్స్ యాంగిల్ లో కూడా తమ హీరో పండించేశాడని అంటున్నారు మేకర్స్.

Like Us on Facebook : https://www.facebook.com/Tupakidotcom/