టీజర్ టాక్: బాబు ఆ పనిలో బాగా బిజీ బాబోయ్

టాలీవుడ్ లో అడల్ట్ కంటెంట్ మూవీస్ గతంలో కూడా వచ్చాయ్ కానీ.. ఫేమస్ యాక్టర్స్ తో ఈ జోనర్ లో సినిమాలు తీసిన సందర్భాలు మాత్రం చాలా తక్కువే. ఒక వేళ తీసినా.. అందులో డైలాగ్స్ లో తప్ప.. ఇంటిమేట్ సీన్స్.. మితిమీరిన ఎక్స్ పోజింగ్ లాంటివి కనిపించేవి కాదు. ఈ ట్రెండ్ ను బ్రేక్ చేస్తూ.. తొలిసారిగా అడల్ట్ కంటెంట్ కాన్సెప్ట్ తో రూపొందిన బాబు బాగా బిజీ.

యాక్టర్ అండ్ డైరెక్టర్ గా సూపర్ క్రేజ్ సంపాదించేసుకున్న శ్రీనివాస్ అవసరాల హీరోగా ఈ చిత్రం రూపొందుతోంది. ఇప్పటికే షూటింగ్ చివరి దశకు చేరుకున్న ఈ చిత్రానికి తాజాగా టీజర్ రిలీజ్ చేశారు. హీరోయిన్లతో హీరో ఇంటిమేట్ సీన్స్ బాగానే పేర్చేశారు. హంటర్ మూవీకి రూపొందుతున్న బాబు బాగా బిజీలో.. ఒరిజినల్ లో ఉన్న బోల్డ్ సీన్స్ ను.. డైలాగ్స్ ను చాలావరకూ మక్కీకి మక్కీ దించేశారనే విషయం చెప్పకనే చెప్పారు. వివిధ వయసుల్లో తారసపడ్డ మహిళలతో ఎలాంటి సంబంధాలు నడిపించాడనే కాన్సెప్ట్ తో రూపొందిన ఈ మూవీలో.. మిస్తీ చక్రవర్తి.. శ్రీముఖి.. తేజస్వి.. సుప్రియలు హీరోయిన్లుగా నటించారు.

వీరితో హీరో సరసాలు.. సన్నిహితంగా గడపడాలు వంటి సీన్స్ ను.. టీజర్ లో బాగానే చూపించింది బాబు బాగా బిజీ టీం. ఏప్రిల్ 13న విడుదలకు సిద్ధమవుతున్న ఈ చిత్రం.. టాలీవుడ్ ప్రేక్షకులకు కొత్త ఎక్స్ పీరియన్స్ మిగల్చడం ఖాయంగానే కనిపిస్తోంది.