20 ముద్దుల్ని పెట్టేసిన బాబు గోగినేని

బిగ్ బాస్ సీజ‌న్ 2లో ఇప్పుడు అంద‌రి దృష్టిని ఆక‌ర్షిస్తున్నారు బాబు గోగినేని. త‌న‌దైన వాద‌న‌తో ప‌లువురిని త‌న అభిమానులుగా చేసుకున్న ఆయ‌న‌.. బిగ్ బాస్ పుణ్య‌మా అని.. చిన్నా.. పెద్దా అన్న తేడా లేకుండా అంద‌రిలోనూ త‌ల‌లో నాలుక‌లా మారారు. త‌న‌దైన వాద‌నా ప‌టిమ‌తో మిగిలిన వాళ్ల‌తో పోలిస్తే ఆయ‌న చాలా డిఫ‌రెంట్ అన్న ముద్ర‌ను వేసుకున్న బాబు గోగినేని.. బిగ్ బాస్ ఇచ్చే టాస్క్ ల‌ను త‌న‌దైన శైలిలో రియాక్ట్ అవుతూ అంద‌రిలో ఆస‌క్తిని పెంచుతున్నారు.

ఇంకా చెప్పాలంటే.. ఒక కొత్త టాస్క్ ఇచ్చిన వెంట‌నే బాబు ఎలా రియాక్ట్ అవుతార‌న్న‌ది ఇప్పుడంతా ఎదురుచూస్తున్నారు. తాజా వీకెండ్ ఎపిసోడ్‌ లో ఆయ‌నకు ఇచ్చిన టాస్క్‌ ను స్మార్ట్ గా హ్యాండిల్ చేసిన తీరు అంతా ఫిదా అయ్యే ప‌రిస్థితి.

త‌న తోటి హౌస్ మేట్స్ కు మార్కులు వేయాల‌న్న టాస్క్‌కు అంద‌రూ 20.. 19.. 18 మార్కులు వేస్తే.. బాబు గోగినేని మాత్రం తాను మార్కులు వేయాల్సిన నూత‌న్ నాయుడికి సున్నా మార్కులు వేసి.. అత‌ను ఎలాంటి ఇబ్బంది ప‌డ‌కుండా జాగ్ర‌త్త‌లు తీసుకున్నారు. అదే స‌మ‌యంలో.. త‌న‌కు 20 మార్కులు వేసిన కిరీటి కార‌ణంగా ఊహించ‌ని టాస్క్ ఆయ‌న మీద ప‌డింది.

20 మార్కులు వేసిన కిరీటి కార‌ణంగా 20 ముద్దులు పెట్టాల్సి వ‌చ్చింది బాబు గోగినేనికి. దీన్ని ఆయ‌న ఎంత స్మార్ట్ గా హ్యాండిల్ చేశారంటే.. కిరీటి చేతుల మీద 20 ముద్దులు పెట్టేసి.. విప‌త్తుల్ని తానెంత సింఫుల్ గా అధిగ‌మిస్తార‌న్న‌ది చేత‌ల్లో చేసి చూపించారు. బాబు గోగినేనా.. మ‌జాకానా?