'మాస్ట్రో' నుంచి 'బేబీ ఓ బేబీ' సాంగ్ ప్రోమో..!

యూత్ స్టార్ నితిన్‌ - నభా నటేష్‌ హీరో హీరోయిన్లుగా నటిస్తున్న సినిమా ''మాస్ట్రో''. ఇందులో మిల్కీ బ్యూటీ తమన్నా భాటియా కీలక పాత్ర పోషిస్తోంది. బ్లాక్ కామెడీ క్రైమ్ థ్రిల్లర్ కథాంశంతో మేర్లపాక గాంధీ ఈ చిత్రాన్ని తెరకెక్కిస్తున్నారు. ఇప్పటి వరకు విడుదలైన ప్రచార చిత్రాలు - ఫస్ట్ లుక్ పోస్టర్ మరియు టీజర్‌ విశేష స్పందన తెచ్చుకున్నాయి. ఈ నేపథ్యంలో 'మాస్ట్రో మ్యూజిక్ ఫెస్ట్' పేరుతో పాటలు రిలీజ్ చేయడానికి మేకర్స్ సన్నాహాలు చేస్తున్నారు. ఈ క్రమంలో 'బేబీ ఓ బేబీ' అనే సాంగ్ ప్రోమోని వదిలారు.

'ఓ బేబీ ఓ బేబీ.. చిన్న నవ్వే చాలు.. చుక్కల్లే.. చూపుళ్తూనే టేక్ మై బ్రేత్ అవే..' అంటూ సాగిన ఆ సాంగ్ కు మహతి స్వర సాగర్ ట్యూన్ సమకూర్చారు. శ్రీజో లిరిక్స్ రాయగా.. సింగర్ అనురాగ్ కులకర్ణి హుషారుగా ఆలపించారు. నభా నటేష్‌ ను ప్రేమలో పడేయడానికి నితిన్ ప్రయత్నాలు చేస్తున్న సందర్భంలో ఈ పాట వస్తుందని తెలుస్తోంది. దీనికి భాను కొరియోగ్రఫీ చేశారు. 'బేబీ ఓ బేబీ' పూర్తి పాటను రేపు (జూలై 16) శుక్రవారం ఉదయం గం.10.08 నిమిషాలకు విడుదల చేయనున్నారు.

'మాస్ట్రో' చిత్రానికి జె యువ‌రాజ్ సినిమాటోగ్రఫీ అందిస్తుండగా.. ఎస్.ఆర్ శేఖర్ ఎడిటింగ్ వర్క్ చేస్తున్నారు. సాహి సురేష్ ఆర్ట్ డైరెక్టర్ గా వ్యవహరిస్తున్నారు. రాజ్ కుమార్ ఆకెళ్ల సమర్పిస్తున్న 'మాస్ట్రో' చిత్రాన్ని శ్రేష్ఠ మూవీస్ బ్యానర్ పై ఎన్.సుధాకర్ రెడ్డి - నికిత రెడ్డిలు నిర్మిస్తున్నారు. ఈ చిత్రంలో సీనియర్ న‌రేష్‌ - జిషుసేన్ గుప్తా - శ్రీ‌ముఖి - అన‌న్య‌ - హ‌ర్ష‌వ‌ర్ధ‌న్ - ర‌చ్చ ర‌వి - మంగ్లీ - శ్రీ‌నివాస్ రెడ్డి తదితరులు ఇతర పాత్రల్లో నటిస్తున్నారు. నితిన్ కెరీర్ లో 30వ సినిమాగా వస్తున్న 'మాస్ట్రో'.. హిందీ బ్లాక్ బస్టర్ హిట్ 'అంధాదున్' తెలుగు రీమేక్. ఇప్పటికే షూటింగ్ కంప్లీట్ చేసుకోగా.. ప్రస్తుతం పోస్ట్ ప్రొడక్షన్ కార్యక్రమాలు జరుగుతున్నాయి.