నెలకో సినిమా.. నిజమేనా శర్వా?

ప్రస్తుతం శర్వా చేతిలో మూడు సినిమాలున్నాయి. 96 రీమేక్ - 'శ్రీకారం' ఇంకొకటి తెలుగు - తమిళ్ బైలింగ్వల్ సినిమా. 96 కి సంబంధించి ఆల్ మోస్ట్ డెబ్భై శాతం షూటింగ్ పూర్తయింది. ఈ సినిమాను డిసెంబర్ లో క్రిస్మస్ కానుకగా రిలీజ్ చేయాలని చూస్తున్నారు. రిలీజ్ కి ఇంకో నాలుగు నెలలే ఉండటంతో ఆల్మోస్ట్ ఆ దిశగా సినిమా షూటింగ్ వేగం పెంచబోతున్నారు. దిల్ రాజు కూడా రిలీజ్ కోసం అంతా సెట్ చేసుకుంటున్నాడు.

ఇక శర్వా నటిస్తున్న శ్రీకారం ఇటీవలే ఒక షెడ్యూల్ జరుపుకుంది. శ్రీకారం అనే ఇండిపెండెంట్ సినిమా కథను పెంచి సినిమాగా తీస్తున్నారు. రైతు సమస్యలపై కథ ఉంటుందని సమాచారం. ఎమోషన్స్ సన్నివేశాలతో ఫ్యామిలీ ఆడియన్స్ ని టార్గెట్ చేసి సినిమాను తెరకెక్కిస్తున్నారు. అందుకే ఈ సినిమాను కూడా ఫ్యామిలీ సినిమాల సీజన్ సంక్రాంతి కి విడుదల చేయాలని చూస్తున్నారట.

ఇంకా బయటికి రాలేదు కానీ మేకర్స్ మాత్రం శ్రీకారం ని సంక్రాంతికే ఫిక్సయ్యారని తెలుస్తుంది. ఇప్పటికే సంక్రాంతికి మహేష్ - అల్లు అర్జున్ - కళ్యాణ్ రామ్ తమ సినిమాలను ఫిక్స్ చేసుకొని అనౌన్స్ మెంట్ కూడా ఇచ్చేసారు. ఇదే నిజమైతే శర్వా నుండి నెలకో సినిమా చెప్పున రెండు నెలలు రెండు సినిమాలొస్తాయి. అంటే బ్యాక్ టు బ్యాక్ సినిమాలతో శర్వా సందడి చేస్తాడన్నమాట. ఇటీవలే బైలింగ్వల్ సినిమాను కూడా స్టార్ట్ చేసిన శర్వా ఈ సినిమాను కూడా వీలైనంత త్వరగా ఫినిష్ చేయాలని చూస్తున్నాడు.