అను ఎగైన్ బ్యాడ్ లక్..!

మళయాళ భామ అను ఇమ్మాన్యుయెల్ కి ఇంకా బ్యాడ్ టైం పోయినట్లు లేదు. నాని సినిమాతో తెలుగు తెరకు పరిచయమైన అమ్మడు పవన్ కళ్యాణ్, అల్లు అర్జున్ లాంటి స్టార్స్ తో నటించినా సరే అమ్మడికి లక్ కలిసి రాలేదు సరికదా ఆ సినిమాలు ఫ్లాప్ అవడంతో అమ్మడి కెరీర్ రిస్క్ లో పడ్డది.

ఆ తర్వాత ఆమెని ఎవరు మందలించలేదు. అయితే అల్లు శిరీష్ హీరోగా నటించిన ఊర్వశివో రాక్షసివో సినిమాలో ఛాన్స్ అందుకుంది. ఈ మూవీ లో అను ఇమ్మాన్యుయెల్ నే హైలెట్ చేస్తూ వచ్చారు. సినిమాకు ఆమె చేయాల్సిందంతా చేసింది.

లిప్ లాక్, ఇంటిమేట్ సీన్స్ అబ్బో సినిమా అంతా అనుని ఫుల్లుగా వాడుకున్నారని చెప్పొచ్చు. ఊర్వశివో రాక్షసివో సినిమా ఈమాత్రం వసూళ్లు తెచ్చుకుంది అంటే అది అను గ్లామర్ షో వల్లే అని చెప్పొచ్చు.

అను ఇంత రెచ్చిపోయినా సరే సినిమా హిట్ అవలేదు. అల్లు ఫ్యామిలీ సినిమా హిట్టు సూపర్ హిట్టు అని ఎంత హడావిడి చేసినా ఫైనల్ రిజల్ట్ మాత్రం నిరాశపరచింది. ఇక హీరోయిన్ అనుకి ఇంకా బ్యాడ్ లక్ వెంటాడుతూనే ఉంది. ఊర్వశివో సినిమా చూసి మరికొన్ని ఛాన్సులు వస్తాయని భావించిన అమ్మడికి ఒక్కటంటే ఒక్క ఆఫర్ కూడా రాలేదని తెలుస్తుంది.

సినిమా కోసం చేయాల్సిందంతా చేసిన అను ఇమ్మాన్యుయెల్ అయినా కూడా అవకాశాలు రాకపోవడంతో డీలా పడ్డది. అను ఇమ్మాన్యుయెల్ చేస్తున్న ఈ గ్లామర్ షో సినిమాలకు ఏమాత్రం హెల్ప్ అవట్లేదు.

ప్రస్తుతం అను ఇమ్మాన్యుయెల్ కోలీవుడ్ హీరో కార్తీ జపాన్ మూవీలో హీరోయిన్ గా సెలెక్ట్ అయ్యింది. ఆ సినిమా అయినా అమ్మడికి హిట్ కిక్ ఇస్తుందో లేదో చూడాలి. కార్తీ రీసెంట్ గా సర్ధార్ అంటూ వచ్చి హిట్ కొట్టాడు. ఇప్పుడు జపాన్ తో ప్రేక్షకులను అలరించాలని చూస్తున్నాడు.

ఇప్పటికే తమిళంలో విశాల్, శివ కార్తికేయన్ తో జత కట్టిన అను ఇమ్మా న్యుయెల్ ప్రస్తుతం కార్తీ జపాన్ లో నటిస్తుంది. రాజు మురుగన్ డైరెక్ట్ చేస్తున్న ఈ మూవీలో కార్తీ డిఫరెంట్ లుక్ తో కనిపించనున్నారని తెలుస్తుంది. తెలుగులో ఎలాగు కెరీర్ ఆశించిన స్థాయిలో లేకపోవడంతో అను ఇక మీదట కోలీవుడ్ పై ఫుల్ ఫోకస్ పెట్టాలని చూస్తుంది. మరి అక్కడైనా అమ్మడు క్లిక్ అవుతుందో లేదో చూడాలి.