రాఖీభాయ్ కి బాహుబ‌లి గ్రీటింగ్స్‌

క‌న్న‌డ రాకింగ్ స్టార్ య‌ష్ న‌టించిన చిత్రం 'కేజీఎఫ్ చాప్ట‌ర్ 2' ఇటీవ‌ల విడుద‌లై ప్ర‌పంచ వ్యాప్తంగా వ‌సూళ్ల వ‌ర్షం కురిపిస్తోంది. ఏప్రిల్ 14 న విడుద‌లై ఈ మూవీ ఐదు భాష‌ల్లోనూ రికార్డుల మోత మోగిస్తోంది. ఫ‌స్ట్ పార్ట్ సంచ‌ల‌న విజ‌యం సాధించ‌డంతో చాప్ట‌ర్ 2 కోసం భారీ అంచ‌నాలు ఏర్ప‌డ్డాయి. దీంతో ఈ మూవీ కోసం యావ‌త్ దేశ వ్యాప్తంగా వున్న సినీ ల‌వ‌ర్స్ దాదాపు నాలుగేళ్లుగా ఈ మూవీ రిలీజ్ కోసం ఎదురుచూశారు. పార్ట్ 1 కు గ‌రుడ హ‌త్య‌తో ముగింపు ప‌లికిన డైరెక్ట‌ర్ పార్ట్ 2 ని ఎలా తెర‌పైకి తీసుకొచ్చాడ‌న్న‌ది ప్ర‌తీ ఒక్క‌రినీ ఆస‌క్తిగా ఎదురుచూసేలా చేసింది.

కోవిడ్, ఒమిక్రాన్ ల‌ కార‌ణంగా రిలీజ్ వాయిదా ప‌డుతూ వ‌చ్చిన ఈ మూవీ ఎట్ట‌కేల‌కు ఏప్రిల్ 14న ప్ర‌పంచ వ్యాప్తంగా విడుద‌లై సంచ‌ల‌నాలు సృష్టిస్తోంది. విడుద‌లైన‌ ఐదు భాష‌ల్లోనూ ఈ మూవీ రికార్డు స్థాయి వ‌సూళ్ల‌ని రాబ‌డుతూ స‌రికొత్త చ‌రిత్ర‌కు నాంది ప‌లుకుతోంది. బాలీవుడ్ స్టార్స్ ర‌వీనా టాండ‌న్‌, సంజ‌య్ ద‌త్‌, తెలుగు క్రేజీ యాక్ట‌ర్స్ రావు ర‌మేష్‌, ప్ర‌కాష్ రాజ్ కీల‌క పాత్ర‌ల్లో న‌టించిన ఈ మూవీ టాక్ ఆఫ్ ది ఇండియాగా మారింది.

ద‌ర్శ‌కుడు ప్ర‌శాంత్ నీల్ టేకింగ్ అండ్ మాసీవ్ ఎలివేష‌ర్స్‌.. హీరో యాష్ అదిరిపోయే యాక్టింగ్‌.. మేన‌రిజ‌మ్స్.. ర‌వి బాస్రూర్ నేప‌థ్య సంగీతం, అబ్బుర ప‌రిచే ఫొటోగ్ర‌ఫీ, యంగ్ టాలెంటెడ్ అందించిన పేసీ ఎడిటింగ్ సినిమాకు ప్ర‌ధాన బాలాలుగా నిలిచాయి. దీంతో 'కేజీఎఫ్ 2 ' దేశ వ్యాప్తంగా ప్ర‌తీ ఒక్క‌రిరీ ఫేవ‌రేట్ మూవీగా మారిపోయింది. ఇప్ప‌టికే ప‌లు రికార్డుల్ని తిర‌గ‌రాస్తున్న ఈ మూవీ త్వ‌ర‌లోనే 1000 కోట్ల మార్కుని చేర‌డం ఖాయం అని ట్రేడ్ వ‌ర్గాలు అంటున్నాయి.

ఇదిలా వుంటే ప్రేక్ష‌కుల తో పాటు సెల‌బ్రిటీలు కూడా ఈ మూవీపై ప్ర‌శంస‌ల వ‌ర్షం కురిపిస్తున్నారు. య‌ష్, డైరెక్ట‌ర్ ప్ర‌శాంత్ నీల్ తో సినిమాకు కీల‌కంగా నిలిచిన న‌టీన‌టులు, సాంకేతిక నిపుణుల‌ని ప్ర‌శంసిస్తున్నారు. ఐకాన్ స్టార్ అల్లు అర్జున్ ఇటీవ‌ల కేజీఎఫ్ టీమ్ పై శుభాకాంక్ష‌ల వ‌ర్షం కురిపించారు. య‌ష్ స్వాగ్‌.. ప్ర‌శాంత్ టెర్రిఫిక్ టేకింగ్ అంటూ కితాబిచ్చారు. తాజాగా ఈ జాబితాలో బాహుబ‌లి ప్ర‌భాస్ చేరారు.

'కేజీఎఫ్ 2 బ్లాక్ బ‌స్ట‌ర్ స‌క్సెస్ ని సొంతం చేసుకున్నందుకు హీరో య‌ష్‌, డైరెక్ట‌ర్ ప్ర‌శాంత్ నీల్, నిర్మాత విజ‌య్ కిర‌గందూర్ తో పాటు ఎంటైర్ టీమ్ కు గ్రీటింగ్స్ తెలిపారు. దీనికి య‌ష్ థ్యాంక్యూ అంటూ రిప్లే ఇస్తూ న‌వ్వుతున్న ఎమోజీని షేర్ చేయ‌డం ఆక‌ట్టుకుంటోంది.

ఈ మూవీ త‌రువాత ప్ర‌శాంత నీల్ ... ప్ర‌భాస్ తో భారీ చిత్రాన్ని చేస్తున్న విష‌యం తెలిసిందే. 'స‌లార్‌' పేరుతో రూపొందుతున్న ఈ మూవీ తదుప‌రి షెడ్యూల్ త్వ‌ర‌లో ప్రారంభం కాబోతోంది. 'కేజీఎఫ్ 2' బ్లాక్ బ‌స్ట‌ర్ కాండంతో ప్ర‌భాస్ తో పాటు ఆయ‌న ఫ్యాన్స్ కూడా ఫుల్ ఖుషీగా వున్నారు.