బాహుబలి సీరియల్ కూడా వచ్చేస్తోంది!!

ఏడాది క్రితం బాహుబలి సెన్సేషన్స్ జనాలింకా మర్చిపోలేదు. వచ్చే ఏడాది బాహుబలి ది కంక్లూజన్ కోసం దేశం మొత్తం ఎంత ఆసక్తిగా ఎదురుచూస్తున్నారో రీసెంట్ గా ఓ పోల్ లో తెలిసింది. మరోవైపు కామిక్ అంటూ.. బాహుబలి మరో రూపంలో కూడా పిల్లలను అలరించేస్తుండగా.. ఇప్పుడు బుల్లితెరను కూడా ఏలేందుకు బాహుబలి సిద్ధం అవుతున్నాడు.

అంటే.. బాహుబలిని టెలివిజన్ సిరీస్ రూపంలోకి తీసుకొస్తున్నారని చెప్పాడు రచయిత విజయేంద్ర ప్రసాద్. 'ఇబాహుబలి రెండు పార్ట్ లకు సంబంధించి నా పని పూర్తయిపోయింది. ఇప్పుడు సీరియల్ కి అనుగుణంగా రాయడం మొదలు పెట్టాలి. ఇందుకు టైం పడుతుంది. ఆ ఫార్మాట్ కు వీలుగా కేరక్టరైజేషన్ పెంచాల్సి ఉంటుంది' అంటూ బాహుబలి రైటర్ చెప్పిన మాటలతో.. బుల్లితెరపై కూడా బాహుబలివస్తున్న విషయం తేలిపోయినట్లే. అయితే.. ఇది డైలీ సీరియల్స్ మాదిరిగానో.. వీక్లీ మాదిరిగానే కాదట. ఇందుకోసం హాలీవుడ్ స్టైల్ ని ఎంచుకున్నారు.

హాలీవుడ్ టెలివిజన్ సిరీస్ గేమ్ ఆఫ్ థ్రోన్స్ మాదిరిగా.. బాహుబలి సిరీస్ ఉంటుందని చెబుతున్నారు. అంటే.. ఒక్కోసారి ఓ 10-12 ఎపిసోడ్స్ పిక్చరైజ్ చేసి.. అవి పూర్తయ్యేలోపు ఆ కథ ఫినిష్ అవుతుందన్న మాట. ఆ తర్వాత మళ్లీ కొంత గ్యాప్ తీసుకుని.. అవే కేరక్టర్లను ఫ్రెష్ స్టోరీతో మళ్లీ తీసుకొస్తారు. ఇలా ఎంత కాలం వీలైతే అంత కాలం.. ప్రేక్షకాదరణ కొనసాగినంత కాలం.. బాహుబలి సిరీస్ ని కంటిన్యూ చేసుకోవచ్చన్న మాట. ఏమైనా బాహుబలి టీం ఐడియాలే ఐడియాలబ్బా!