బాలీవుడ్ సినిమాకు బాహుబలి టెక్నీషియన్లు

ఆహా.. టైటిల్ చదవడానికే ఎంత బాగుంది. మా సినిమా హాలీవుడ్ లోకేషన్ లలో తీశాం... మా సినిమాకు ఇంతమంది హాలీవుడ్ టెక్నీషియన్లు పనిచేశారు. ఇలా టెక్నీషియన్లను దిగుమతి చేసుకోవడమేకానీ ఎగుమతి చేసుకున్న దాఖలాలు తక్కువ. ఎక్కడో రెహమాన్ - బాలసుబ్రమణ్యం వంటి పేర్లు వినిపిస్తూ వుంటాయి. అయితే ఒక తెలుగు సినిమాకు పనిచేసిన టీం అంతా ఏకంగా బాలీవుడ్ లో ఒక ప్రతిష్టాత్మక ప్రాజెక్ట్ కి పనిచేయడం విశేషం.

బాలీవుడ్ గ్రీకు శిల్పం హృతిక్ రోషన్ నటిస్తున్న మొహెంజదారో సినిమా భారీ నిర్మాణ వ్యయంతో తెరకెక్కుతున్న విషయం తెలిసినదే. ఈ సినిమాలో పూజ హేగ్దే కధానాయిక. ఇప్పుడు ఈ సినిమాలో గ్రాఫిక్స్ పనులకోసం బాహుబలి సినిమాకు పనిచేసిన టీమ్ నంతా బాలీవుడ్ తీసుకెళ్ళి అక్కడ పనిచేయించుకోవాలని భావిస్తున్నారట. ఈ ప్రతిష్టాత్మక చిత్రానికి మంచి అవుట్ పుట్ గనుక అందిస్తే తమ క్రెడిట్ రెట్టింపు అవుతుందని వి.ఎఫ్.ఎక్స్ బృందం భావిస్తున్నట్టు సమాచారం. ఒక్క సినిమా ఎందరి జీవితాలను మార్చేసిందో చూశారా...