మాస్ మ‌చ్చారే.. డిక్టేట‌ర్ అదుర్సే

న‌ట‌సింహా బాల‌య్య‌బాబు న‌టిస్తున్న డిక్టేట‌ర్ ప్రస్తుతం టాక్ ఆఫ్ ది టౌన్‌. ఈ సినిమాకి లౌక్యం ఫేం శ్రీ‌వాస్ ద‌ర్శ‌కత్వం వ‌హిస్తున్నాడు. తెలుగింటి సీత‌మ్మ అంజ‌లి క‌థానాయిక‌గా న‌టిస్తోంది. స్టార్ రైట‌ర్స్‌ కోన‌వెంక‌ట్‌, గోపిమోహ‌న్ ఇద్ద‌రితో క‌లిసి శ్రీ‌వాస్‌ స్ర్కిప్టు ప‌నులు చేశారు. టైటిల్‌ కి త‌గ్గ‌ట్టే ఈ చిత్రంలో బాల‌య్య‌బాబు ఓ ప‌వ‌ర్‌ ఫుల్ రోల్‌ లో న‌టిస్తున్నాడు. ఇదిగో ఇక్క‌డున్న ఫోటో చూస్తుంటే మాస్ రాజాల‌కే మాస్ రాజాలా క‌నిపిస్తున్నాడు బాల‌య్య‌.

పూల పూల చొక్కాయ్ .. మెరుపుల మెరుపుల బ‌ట‌న్స్‌, మెడ‌లో లాకెట్‌, చొక్కా పై బులుగు జాకెట్ .. ఈ రూపంతో న‌ట‌సింహం మాస్‌ ని ఇట్టే ప‌ట్టేయ‌డం ఖాయం. ఆ ప‌క్క‌నే ఉన్న అంజ‌లి స్ట‌యిల్ చూస్తుంటే మాస్ మ‌హారాణీలా క‌నిపిస్తోంది. ఈ సినిమా ఫ‌స్ట్‌ లుక్, టీజ‌ర్ వినాయ‌క‌చ‌వితికి రిలీజ్ కానున్నాయి. ద‌స‌రాకి సినిమాని రిలీజ్ చేయాల‌న్న‌ది ప్లాన్‌. కుద‌ర‌క‌పోతే 2016 సంక్రాంతికి రిలీజ్ చేయ‌డం ఖాయం అని చెబుతున్నారు. బాల‌య్య‌, అంజ‌లి జంట‌పై ప్ర‌స్తుతం బ‌ల్గేరియాలోని ఓ ఎగ్జోటిక్ లొకేష‌న్‌ లో పాటను చిత్రీక‌రిస్తున్నారు. అక్క‌డి నుంచి ఆన్‌ లైన్‌ లోకి లీకైన ఫోటో ఇది.