పాతికేళ్ల తర్వాత.. నందమూరి హీరోలు

నందమూరి వంశంలో చాలామంది హీరోలే ఉన్నారు. బాలకృష్ణ - హరికృష్ణ - జూనియర్ ఎన్టీఆర్ - కళ్యాణ్ రామ్ - తారక రత్నలు ఈ ఫ్యామిలీ హీరోలు. ఆరోగ్యరీత్యా హరికృష్ణ దూరంగా ఉంటున్నా.. మిగతా అందరూ ఇప్పటికీ సినిమాలు చేస్తున్నవారే. కానీ నందమూరి ఫ్యామిలీలో.. ఏ ఇద్దరూ ఒకేసారి స్క్రీన్ పై చూసే అవకాశం ఫ్యాన్స్ కి రాలేదు. ఇలా నందమూరి హీరోలు కలిసి నటించే సీన్ కోసం చాలా ఏళ్ల నుంచి అభిమానుల ఎదురుచూస్తున్నారు.

పాతికేళ్ల క్రితం సీనియర్ ఎన్టీఆర్ తో కలిసి బ్రహ్మర్షి విశ్వామిత్ర మూవీలో బాలకృష్ణ నటించారు. 1991లో రిలీజ్ అయిన ఈ సినిమాలో సత్య హరిశ్చంద్రుడిగాను - దుష్యంతుడిగాను డ్యుయల్ రోల్ చేశారు బాలయ్య. ఆ తర్వాత ఇప్పటికి 25 ఏళ్లు గడిచాయి గాన.. ఏ ఇద్దరు నందమూరి హీరోలు ఒకేసారి తెరపై కనిపించలేదు. మళ్లీ ఇన్నేళ్లకు ఫ్యాన్స్ కి ఈ అవకాశాన్ని కల్పించబోతున్నారు.

తన 100వ సినిమా ఆదిత్య 999లో కొడుకు మోక్షజ్ఞని ఇంట్రడ్యూస్ చేయించనున్నారు బాలకృష్ణ. ఈ మూవీలో వీళ్లిద్దరి కాంబినేషన్ లో వచ్చే సీన్స్ కూడా చాలానే ఉండనున్నాయి. అరంగేట్రమే అయినా.. అసలు నందమూరి ఫ్యామిలీలో కలిసి నటించడమే అరుదు. పెద్ద ఎన్టీఆర్ మరణం తర్వాత.. అసలు ఆ ఛాన్సే రాలేదు. మళ్లీ ఇప్పుడు.. ఒకేసారి ఇద్దరు నందమూరి హీరోలు కలిసి కనిపించే సీన్.. అభిమానులకు పండగ కానుంది. నందమూరి అభిమానులకు దక్కనుంది