బాబాయికి రెండు, అబ్బాయికి ఒకటే

నందమూరి హీరోలు రిలీజ్ లతో పోటీకి ఫిక్స్ అయినప్పటి నుంచి అన్నిటిలోనూ రేస్ తప్పడం లేదు. అప్పటివరకూ ఇతర స్టార్లతో కంపేర్ చేసుకునే నందమూరి అభిమానులు.. ఇప్పుడు ఎన్టీఆర్ కు ఎన్ని, బాలయ్యకు ఎన్ని లెక్క పెట్టుకోవాల్సి వస్తుంది. థియేటర్ల విషయంలో ఇది చాలా కీలకం కానున్నా... దీనికి ఇంకా కొంచెం టై ఉంది. ప్రస్తుతం బాలయ్య - ఎన్టీఆర్ ల మధ్య పాటల విషయంలో పోటీ తీవ్రంగా ఉంది.

నందమూరి నటసింహం బాలయ్యకు.. ఎస్ ఎస్ థమన్ అదిరిపోయే మ్యూజిక్ ఇచ్చాడు. మరోవైపు ఎన్టీఆర్ నాన్నకు ప్రేమతో మూవీకి డీఎస్పీ అందించిన పాటలకు సూపర్ రెస్పాన్స్ వస్తోంది. మరి ఈ రెండింటిలో ఎవరు టాప్ లో ఉన్నారంటే చెప్పడం కష్టంగా ఉంది. అదెలాగంటే.. ఈ వారం ఓ ఎఫ్ ఎం స్టేషన్ టాప్ ఫైవ్ ఛార్ట్ లో.. ఎన్టీఆర్ పాడిన పాట ఐ వాన్న ఫాలోఫాలో యూ సాంగ్ సెకండ్ ప్లేస్ కు చేరుకుంది. మరోవైపు బాలయ్య డిక్టేటర్ లో చుర చుర అంటూ సాగే పాట థర్డ్ ప్లేస్ కి పరిమితం అయింది. ఇలాగని ఎన్టీఆర్ ఓ మెట్టు పైనున్నాడు అనడానికి లేదు. ఎందుకంటే.. టాప్ ఫైవ్ లిస్ట్ లో బాలయ్య సాంగ్స్ 2 ఉంటే.. ఎన్టీఆర్ పాట ఒకటే చోటు సంపాదించుకోగలిగింది. దీంతో బాలయ్య వీరాభిమానులు ఈ పాయింట్ తో పండగ చేసేసుకుంటున్నారు.

ఈ నందమూరి హీరోల వార్ సంక్రాంతి వరకూ తప్పదు. ఏదో ఒక పాయింట్ తో ఫ్యాన్స్ రచ్చ మాత్రం కంటిన్యూ కావడం ఖాయంగా కనిపిస్తోంది. డిక్టేటర్ - నాన్నకు ప్రేమతో చిత్రాల్లో ఏది బిగ్గెస్ట్ అయితే.. వాళ్లదే పై చేయి అని ప్రత్యేకంగా చెప్పాల్సిన పని లేకపోయినా.. అప్పటి వరకూ నందమూరి ఫ్యాన్స్ కి మాత్రం ఒకవైపు ఉత్సాహం.. మరోవైపు టెన్షన్ కంటిన్యూ అవుతున్నాయి.