ఫోటో స్టోరీ: సీఎం 'ఎన్టీఆర్‌'

నందమూరి తారక రామారావు బయోపిక్‌ ఎన్టీఆర్‌ పై అంచనాలు ఆకాశాన్ని తాకేలా ఉన్నాయి. క్రిష్‌ దర్శకత్వంలో బాలకృష్ణ ప్రధాన పాత్రలో నటించిన ఈ చిత్రంలో ఎంతో మంది స్టార్స్‌ ఉన్న విషయం తెల్సిందే. ఇప్పటికే ఈ చిత్రంలో ఎన్టీఆర్‌ గా బాలయ్య ఎలా ఉండబోతున్నాడనే విషయంపై దర్శకుడు క్రిష్‌ క్లారిటీ ఇచ్చాడు. ఎన్టీఆర్‌ లుక్‌ కు చాలా దగ్గరగా బాలయ్య లుక్‌ వచ్చేలా ప్లాన్‌ చేశారు. కొన్ని గెటప్స్‌ అద్దినట్లుగా ఉన్నాయనే ప్రశంసలు కూడా దక్కాయి. తాజాగా ఈ పిక్‌ ను రివీల్‌ చేశారు.

సీఎంగా బాలయ్య లుక్‌ ను విడుదల చేయడం జరిగింది. సీఎంగా ఎన్టీఆర్‌ ఎంత హుందాగా అయితే కనిపించేవాడో అంతే హుందాగా బాలయ్య లుక్‌ లో కనిపిస్తున్నాడు. ‘ఎన్టీఆర్‌ మహానాయకుడు’లో బాలయ్య ఎలా కనిపించబోతున్నాడనే విషయంపై ఈ లుక్‌ తో క్లారిటీ ఇచ్చాడు. ఎన్టీఆర్‌ కు సంబంధించిన పలు లుక్స్‌ ఇప్పటికే రివీల్‌ అయ్యాయి. తాజాగా ఈ లుక్‌ తో మరింతగా సినిమాపై అంచనాలు పెంచాడు దర్శకుడు క్రిష్‌.

సంక్రాంతికి విడుదల కాబోతున్న ఈ సినిమా రికార్డు స్థాయిలో వసూళ్లను దక్కించుకోబోతుందంటూ నందమూరి ఫ్యాన్స్‌ చాలా నమ్మకంగా ఉన్నారు. ‘ఎన్టీఆర్‌ కథానాయకుడు’ సంక్రాంతికి రాబోతుండగా, ‘ఎన్టీఆర్‌ మహానాయకుడు’ చిత్రం ఫిబ్రవరిలో విడుదల కాబోతుంది. అంచనాలకు తగ్గట్లుగా ఈ చిత్రం ఉంటుందని చాలా నమ్మకంతో సినీ వర్గాల వారు ఉన్నారు.