వీర సింహా రెడ్డి ఈవెంట్.. బాలయ్య డైరెక్షన్ హైలెట్..!

నందమూరి బాలకృష్ణ వీర సింహా రెడ్డి ప్రీ రిలీజ్ ఈవెంట్ ఒంగోలులో జరిగిన విషయం తెలిసిందే. నందమూరి ఫ్యాన్స్ భారీ సంఖ్యలో ఈ కార్యక్రమంలో పాల్గొన్నారు. గోపీచంద్ మలినేని డైరెక్ట్ చేసిన ఈ సినిమాలో శృతి హాసన్ కథానాయికగా నటించింది. ప్రీ రిలీజ్ ఈవెంట్ లో స్పెషల్ ఎట్రాక్షన్ గా నిలిచారు బాలయ్య బాబు. పంచ కట్టుతో ఆయన చాలా నిండుగా అనిపించారు. అభిమానుల ఉత్సాహం తో ఆయనలోని ఉత్సాహం మరింత ఎక్కువైంది.

ఇక ఈ ఈవెంట్ లో స్పెషల్ గా అనిపించిన అంశం ఏంటంటే ఒక వీడియో లో బాలయ్య కూతురు తేజస్విని కొడుకు ఆర్య వీర్ పవర్ ఫుల్ డైలాగ్ చెబుతాడు. భయం నా బయోడేటాలో లేదురా అనే డైలాగ్ ఆర్యవీర్ తో చెప్పిస్తారు. ఆ వీడియో బాలకృష్ణ డైరెక్షన్ లో జరుగుతుంది.

అది విశేషంగా అలరించగా ఎన్.టి.ఆర్ జనతా గ్యారేజ్ సినిమాలో దివి నుంచి దిగి వచ్చావా సాంగ్ ప్లే చేయగానే బాలయ్య ఆ పాటని ఎంజాయ్ చేశారు. ఇక ఈవెంట్ అంతా కూడా బాలయ్య స్పెషల్ జోష్ లో కనిపించారు.

స్టేజ్ మీద మాట్లాడుతున్న ప్రతి ఒక్కరి కామెంట్స్ ని ఎంజాయ్ చేస్తూ బాలకృష్ణ చాలా జోష్ ఫుల్ గా అనిపించారు. సినిమా అవుట్ పుట్ బాగా రావడం.. సంక్రాంతి సెంటిమెంట్ కూడా తనకు కలిసి వస్తుంది కాబట్టి ఈసారి బాక్సాఫీస్ ని షేక్ చేయడం ఫిక్స్ అని డిసైడ్ అయ్యారు అనుకుంటా అందుకే బాలయ్య బాబు ఉత్సాహంగా కనిపించారు. పోటీగా వాల్తేరు వీరయ్య, వారసుడు వస్తున్నా పొంగల్ రేసులో పందెం కోడి తన సినిమానే అంటూ బాలయ్య హంగామా చేస్తున్నారు.

ఇక సినిమా ట్రైలర్ కూడా ఊర మాస్ గా అనిపించింది. నిజంగానే నందమూరి ఫ్యాన్స్ కి ఈ సినిమా పూనకాలు తెప్పించేలా ఉందని చెప్పొచ్చు. ఈవెంట్ లో బాలయ్య స్పీచ్ కూడా అదిరిపోయింది. సినిమాలో డైలాగ్స్ తో అభిమానుల్లో ఉత్సాహాన్ని నింపారు బాలకృష్ణ.

అంతేకాదు తన అన్ స్టాపబుల్ షో గురించి కూడా స్పెషల్ మెన్షన్ చేసి ఆ షో వల్ల తనకు వచ్చిన కిక్ గురించి కూడా చెప్పారు. మొత్తానికి బాలయ్య ఇదే జోరు సినిమా సక్సెస్ అయ్యేంతవరకు కొనసాగించేలా ఉన్నారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.