బాలయ్య బర్త్ డే కి గిఫ్టులే గిఫ్టులు

తారల పుట్టిన రోజు వస్తోందంటే.. వాళ్ల కంటే అభిమానుల సందడే ఎక్కువగా ఉంటుంది. ఇప్పుడు నందమూరి నటసింహం బాలకృష్ణ బర్త్ డే కోసం.. అభిమానులు వెయిట్ చేస్తున్నారు. జూన్ 10వ తేదీన బోలెడంత హంగామా చేసేందుకు ఇప్పటికే ప్రిపరేషన్స్ ప్రారంభించేశారు. ఈసారి తన పుట్టినరోజుకు.. అభిమానులకు తెగ బహుమతులు ఇచ్చేందుకు సిద్ధమైపోయారట బాలకృష్ణ.

గత కొన్ని నెలలుగా ఏ సినిమా చేయని బాలయ్య.. వరుసగా సినిమాలను మొదలుపెట్టేయబోతున్నారు. వరుసగా రెండు సినిమాలను లాంఛ్ చేయబోతున్నారు. మే 28న దివంగత నందమూరి తారక రామారావు జయంతి సందర్భంగా.. కొత్త సినిమా స్టార్ట్ చేయనున్నారు బాలయ్య. మే 28న ఈ సినిమాకు పూజా కార్యక్రమాలు నిర్వహించడం మాత్రమే కాదు.. జూన్ 10 నాటికి ఫస్ట్ లుక్ కూడా ఇచ్చేయనున్నారట. ఆరో బాలయ్య బర్త్ డే అనే సంగతి తెలిసిందే. అదే రోజున అభిమానులు ఎప్పుడెప్పుడా అని ఎదురుచూస్తున్న కొత్త సినిమాను మొదలుపెట్టనున్నారు బాలకృష్ణ.

సింహ.. లెజెండ్ వంటి బ్లాక్ బస్టర్స్ ను అందించిన బోయపాటితో సినిమాను.. అదే రోజున మొదలుపెట్టబోతున్నారు. ఈ సినిమా షూటింగ్ సెప్టెంబర్ చివరలో ప్రారంభమయ్యే అవకాశం ఉండగా.. జూన్ నెలాఖరు నుంచి ఎన్టీఆర్ బయోపిక్ పనులు కూడా మొదలైపోతాయట. క్రిష్ ఈ చిత్రానికి దర్శకత్వం వహించే అవకాశాలున్నాయి.