సౌఖ్యం మాట బాల‌య్య‌కు తెలీదు

కొన్ని పుకార్లు ఎంత విచిత్రంగా ఉంటాయ‌న‌టానికి తాజా ఉదంత‌మే నిలువెత్తు నిద‌ర్శ‌నం. గోపిచంద్‌..రెజీనా జంట‌గా నిర్మిస్తున్న సౌఖ్యం ఆడియో ఫంక్ష‌న్ ఒంగోలులో జ‌ర‌గ‌నున్న సంగ‌తి తెలిసిందే. ప్ర‌కాశం జిల్లా ఒంగోలులో ఈ నెల 16న సౌఖ్యం ఆడియో విడుద‌ల భారీగా జ‌రుగుతుంద‌ని.. దీనికి ముఖ్యఅతిధిగా బాల‌య్య‌బాబు వ‌స్తారంటూ అటు ఇండ‌స్ట్రీతో పాటు.. ఇటు సినీ అభిమానుల్లో చ‌ర్చ సాగుతున్న సంగ‌తి తెలిసిందే.ఆస‌క్తిక‌ర‌మైన విష‌యం ఏమిటంటే.. సౌఖ్యం ఆడియో ఫంక్ష‌న్ గురించి బాల‌య్య‌కు మాట వ‌ర‌స‌కు కూడా తెలీదంట‌.

కానీ.. ఎవ‌రు పుట్టించారో తెలీదు కానీ.. అంద‌రూ సౌఖ్యం ఫంక్ష‌న్ కు బాల‌య్య వ‌స్తారని అనుకుంటుంటే.. ఆ విష‌యం బాల‌కృష్ణ స‌న్నిహితుల వ‌ద్ద ప్ర‌స్తావిస్తే.. వారు విస్మ‌యం చెంద‌టమే కాదు.. అస‌లు సౌఖ్యం సినిమా ఆడియో ఫంక్ష‌న్ కు సంబంధించిన స‌మాచార‌మే తెలీద‌ని తేల్చేశారు. అంతేకాదు.. ప్ర‌స్తుతం బాల‌య్య ఢిల్లీలో ఉన్నార‌ని.. ఇప్ప‌టివ‌ర‌కూ ఆయ‌న్ను సౌఖ్యం ఫంక్ష‌న్ కు రావాలంటూ ఎవ‌రూ క‌లిసింది కూడా లేద‌ని.. ఇలా జ‌రుగుతున్న ప్ర‌చారంలో అస్స‌లు నిజ‌మే లేదంటున్నారు.

అన్నీ అనుకున్న‌ట్లు జ‌రిగితే క్రిస్మ‌స్ పండ‌క్కి.. డిసెంబ‌రు 25న థియేట‌ర్ల‌లో క‌నువిందు చేస్తుంద‌ని భావిస్తున్నారు. ఈ సినిమా ద‌ర్శ‌కుడు ఏఎస్ ర‌వికుమార్ బాల‌య్య‌బాబుకు వీరాభిమాని అన్న సంగ‌తి తెలిసిందే. ఆయ‌న గ‌త చిత్ర‌మైన సాయి దరమ్ తో చేసిన పిల్లా నువ్వు లేని జీవితం సినిమా సంద‌ర్భంగా బాల‌య్య మీద త‌న‌కున్న అభిమానాన్ని ద‌ర్శ‌కుడు చెప్పుకోవ‌టం తెలిసిందే. ద‌ర్శ‌కుడికి బాల‌య్య బాబును విప‌రీతంగా అభిమానించే నేప‌థ్యంలో ఆయ‌న్ను.. చీఫ్ గెస్ట్ గా ఆహ్వానిస్తున్నార‌న్న మాట పుట్టి ఉండొచ్చ‌ని భావిస్తున్నారు. గాలికి మాట‌లు పుట్ట‌టం అంటే ఇదేనేమో.