బాలయ్య మళ్లీ డ్యుయల్ రోలా?!

నందమూరి బాలకృష్ణ ఇప్పుడు పైసా వసూల్ ప్రచారంలో మునిగి తేలుతున్నారు. పూరీ జగన్నాథ్ దర్శకత్వంలో రూపొందిన పైసా వసూల్.. మరో నాలుగు రోజుల్లో విడుదల కానుండడంతో.. నందమూరి అభిమానులంతా ఆసక్తిగా ఎదురుచూస్తున్నారు. మరోవైపు తన మరుసటి చిత్రం షూటింగ్ కూడా ఇప్పటికే స్టార్ట్ చేసేశారు బాలకృష్ణ.

బాలయ్య నటిస్తున్న 102వ చిత్రానికి కె.ఎస్. రవి కుమార్ దర్శకత్వం వహిస్తుండగా.. ప్రస్తుతం హైద్రాబాద్ పరిసరాల్లో ఈ మూవీ షూటింగ్ జరుగుతోంది. బాలకృష్ణకు జోడీగా నటిస్తున్న సౌత్ బ్యూటీ నయనతారతో కలిపి కొన్ని కీలక సన్నివేశాలను తెరకెక్కిస్తున్నారు. అయితే.. ప్రస్తుతం జరుగుతున్న ఈ షూటింగ్ అంతా ఫ్లాష్ బ్యాక్ ఎపిసోడ్ అని తెలుస్తోంది. అంటే ఫ్లాష్ బ్యాక్ లో బాలయ్యకు జోడీగా నయనతార నటిస్తోందన్న మాట. ఈ సన్నివేశాల్లో బాలయ్య గెటప్ కూడా విభిన్నంగా కనిపించనుండగా.. రన్నింగ్ స్టోరీలో బాలయ్య మరో కొత్త గెటప్ లో కనిపిస్తారట. ఆ పాత్రకు ఇద్దరు హీరోయిన్స్ ఉంటారని తెలుస్తోంది.

తండ్రీ కొడుకులుగా బాలకృష్ణ కనిపించి సందడి చేయనున్నారన్నది లేటెస్ట్ న్యూస్. గతంలో సింహా.. లెజెండ్ చిత్రాల్లో తండ్రీ కొడుకులుగా కనిపించి అలరించి.. బంపర్ హిట్స్ కొట్టిన బాలకృష్ణ.. ఇప్పుడు మరోసారి అదే ఫీట్ ను రిపీట్ చేస్తారని.. నందమూరి అభిమానులు తెగ ఆశలు పెట్టేసుకున్నారు. బాలయ్య నుంచి వస్తున్న మాస్ మసాలా ఎంటర్టెయినర్ కావడంతో.. అంచనాలు కూడా ఎక్కువగానే ఉన్నాయి.