నడిగర్ నాయకుడికి డిక్టేటర్ కంగ్రాట్స్

రాజకీయ పార్టీలను తలపించేలా నడిగర్ సంఘానికి ఎన్నికల జరగటం తెలిసిందే. రాజకీయ ఎన్నికల మాదిరే.. ఈ సినీ రంగ పరిశ్రకు జరిగిన ఎన్నికలు అద్యంతం ఉత్కంట.. ఉద్రిక్తతతో జరగటం తెలిసిందే. పదేళ్లుగా నడిగర్ సంఘానికి (సౌతిండియా ఆర్టిస్ట్ అసోసియేషన్) అధ్యక్షుడిగా ఉన్న శరత్ కుమార్ అధిపత్యాన్ని ప్రశ్నించటమే కాదు.. ఎన్నికల్లో ముఖాముఖి తలపడి.. అతడ్ని ఓడించి కొత్త అధ్యక్షుడిగా ప్రముఖ నటుడు నాజర్ ఎన్నిక కావటం తెలిసిందే.

దక్షిణాది చిత్రాలతో పాటు.. ఉత్తరాదిన కూడా గుర్తింపు పొందిన నాజర్.. నడిగర్ సంఘానికి అధ్యక్షుడిగా ఘన విఝయం సాధించటం పట్ల సర్వత్రా హర్షం వ్యక్తమవుతోంది. తాజాగా.. నాజర్ ను డిక్టేటర్ టీం అభినందించింది. డిక్టేటర్ గా నటిస్తున్న బాలకృష్ణతో పాటు.. ఆ చిత్ర బృందం నాజర్ కు పుష్పగుచ్చం అందించటంతో పాటు.. ఆయనకు కంగ్రాట్స్ చెప్పారు. నాజర్ వెంట యువ నటులు విశాల్.. కార్తీ తదితరులు ఉన్నారు. నాజర్ ను అభినందించిన బాలకృష్ణ.. పేద కళాకారుల సంక్షేమం కోసం కృషి చేయాలని కోరారు. నడిగర్ అధ్యక్షుని హోదాలో పలు సంక్షేమ కార్యక్రమాలు నిర్వహిస్తారన్న ఆశాభావాన్ని బాలకృష్ణ వ్యక్తం చేశారు.