చిరునే కాదు.. బాలయ్యనీ వదలడం లేదు

కంబ్యాక్ మూవీతో చిరంజీవి.. 100వ చిత్రంతో బాలకృష్ణ సెన్సేషనల్ హిట్స్ సాధించేశారు. బాలయ్య కెరీర్ బిగ్గెస్ట్ హిట్ కొడితే.. చిరు ఇండస్ట్రీ సెకండ్ బిగ్గెస్ట్ హిట్ సాధించేశారు. చాలా కాలం తర్వాత సీనియర్ స్టార్ హీరోల మధ్య నెలకొన్న ఈ పోటీని.. ఛానల్స్ కూడా బాగానే క్యాష్ చేసుకుంటున్నాయి.

స్టార్ మా ఛానల్ ఇప్పటికే మెగాస్టార్ తో 'మీలో ఎవరు కోటీశ్వరుడు' కార్యక్రమాన్ని నిర్వహిస్తోంది. మాటీవీని.. స్టార్ మా గా మార్చేందుకు కూడా ఈ కార్యక్రమాన్ని ఉపయోగించుకున్నారు. రెండేళ్ల పాటు ఎదురుచూసి మరీ.. ఈ గేమ్ షో ద్వారా ఛానల్ ను రీ బ్రాండ్ చేశారు. ఇప్పుడు బాలకృష్ణను కూడా వదిలిపెట్టడం లేదు ఈ ఛానల్. బాలయ్య వందో చిత్రం గౌతమిపుత్ర శాతకర్ణి త్వరలో అంటూ ప్రోమోస్ ను ప్లే చేస్తున్నారు. టెలికాస్ట్ డేట్ విషయంలో ఇంకా అనౌన్స్ మెంట్ రాలేదు కానీ.. ఉగాది పండుగకు శాతకర్ణిని ప్రసారం చేసే అవకాశాలున్నాయని తెలుస్తోంది.

ఇటు చిరంజీవి చేస్తున్న రియాల్టీ షో టెలికాస్ట్ అవుతున్న సమయంలోనే.. అటు బాలయ్య ల్యాండ్ మార్క్ మూవీని ప్రసారం చేయడం అంటే.. ఇద్దరి క్రేజ్ ను ఉపయోగించుకోవాలని ఛానల్ వర్గాలు నిర్ణయించాయనే విషయం అర్ధమవుతోంది. ఈ సారి ఉగాది పండుగకు సీనియర్ స్టార్ల హంగామా చూసే ఛాన్స్ అభిమానులకు రాబోతోంది.

Like Us on Facebook : https://www.facebook.com/Tupakidotcom/