ఆ స్టార్ హీరోలు ఒకరి సినిమా ఒకరు వదల్లేదుగా..!

టాలీవుడ్ ఇండస్ట్రీలో నటసింహం బాలకృష్ణ, హీరో గోపీచంద్ పేర్లు సోషల్ మీడియాలో విపరీతంగా వైరల్ అవుతున్నాయి. మరి ఎందుకు వీరి పేర్లు వైరల్ అయ్యాయంటే.. కొంపదీసి బాలయ్య సినిమాలో గోపి నటిస్తున్నాడా.. లేక గోపీచంద్ సినిమాలో బాలయ్య కనిపిస్తాడా.. అని అందరూ అనుకుంటున్నారు. అయితే ఇవి రెండు కాదు మూడోది జరిగింది అని ఇండస్ట్రీ టాక్. అంతే అసలు ఏం జరిగిందబ్బా..? అని సినీప్రియులలో ఆసక్తి నెలకొంది. ప్రస్తుతం ఇద్దరు హీరోలు ఎవరి సినిమాలతో వారు బిజీ ఉన్నారు. గోపీచంద్ - సంపత్ నంది డైరెక్షన్లో రెండో సినిమా చేస్తుండగా.. బాలయ్య - బోయపాటి శీను డైరెక్షన్లో తన మూడో సినిమా చేస్తున్నాడు. ఇక సినిమా ఇండిస్టీలో ఒక హీరో రిజెక్ట్‌ చేసిన స్టోరీ మరో హీరో సినిమాగా తీసిన సందర్భాలు అనేకం ఉన్నాయి. అలాంటి ఆసక్తికర పరిణామమే ఇటీవల బాలకృష్ణ, గోపిచంద్‌ మధ్య జరిగింది. ఇటీవలే బాలయ్య హీరోగా రూపొందిన సినిమా రూలర్.

అయితే మొదట రూలర్‌ సినిమా కథను దర్శకుడు పరుచూరి మురళీ గోపిచంద్‌కు వినిపించాడట. కానీ గోపిచంద్‌ ఈ కధను రిజెక్ట్‌ చేశాడట. ఆ తర్వాత ఇదే కథతో బాలకృష్ణ తమిళ సీనియర్ డైరెక్టర్ కె.ఎస్‌.రవికుమార్‌ దర్శకత్వంలో సినిమా తీశాడు. కానీ సినిమా బాక్సాఫీసు వద్ద బల్తా కొట్టింది. ఇక గోపీచంద్ నటించనున్న కొత్త సినిమా అలివేలు వెంకటరమణ. అయితే దర్శకుడు తేజ ఈ అలివేలు వెరకటరమణ సినిమా స్టోరీని మొదటగా బాలకృష్ణకు వినిపించాడట. ఇంతలో ఆ కథ పక్కన పెట్టిన బాలకృష్ణ దర్శకుడు తేజతో ఎన్టీయార్‌ బయోపిక్‌ మొదలుపెట్టాడు. ఆ తర్వాత తేజ ఆ ప్రాజెక్ట్‌ నుండి వైదొలగిన విషయం తెలిసిందే. ఇక తేజ అప్పటి 'అలివేలు వెంకటరమణ' స్టోరీని రీసెంట్ గా గోపిచంద్‌కు వినిపించాడు. కథ నచ్చి గోపిచంద్‌ గ్రీన్‌ సిగల్‌ ఇచ్చాడట. ఇండస్ట్రీలో షూటింగ్‌లు మొదలైన తరువాత ఈ సినిమా పట్టాలు ఎక్కనుందని టాక్.