ఇందుకే బాలయ్య ఇన్నాళ్లు దాచాడా?

బాలకృష్ణ షష్టిపూర్తి సందర్బంగా కనిపించిన మోక్షజ్ఞ ఫొటోలు సోషల్‌ మీడియాలో వైరల్‌ అయ్యాయి. పాతిక ఏళ్లు వచ్చిన మోక్షజ్ఞ సినిమా ఎంట్రీకి సిద్దం కాకపోవడంపై నందమూరి ఫ్యాన్స్‌ స్వయంగా అసంతృప్తి వ్యక్తం చేస్తున్నారు. గత మూడు నాలుగు సంవత్సరాలుగా మోక్షజ్ఞ ఫొటోలు అధికారికంగా బయటకు వచ్చిందే లేదు. ఇప్పుడు బాలయ్య పుట్టిన రోజు సందర్బంగా ఫొటోలు బయటకు రావడంతో ఇన్నాళ్లు ఎందుకు మోక్షజ్ఞను బాలయ్య దాచాడో అర్థం అయ్యిందని నెటిజన్స్‌ కామెంట్స్‌ చేస్తున్నారు.

మోక్షజ్ఞను అంత లావుగా చూసిన నందమూరి అభిమానులు నిరుత్సాహ పడటంతో పాటు యాంటీ ఫ్యాన్స్‌ ఖచ్చితంగా ట్రోల్స్‌ చేస్తారనే ఉద్దేశ్యంతో బాలకృష్ణ ఇన్ని రోజులు మోక్షజ్ఞ ఫొటోలు బయటకు రాకుండా జాగ్రత్త పడి ఉంటాడు అంటున్నారు. ఆమద్య ఎన్టీఆర్‌ సినిమా విడుదల సందర్బంగా కూడా మోక్షజ్ఞను మాత్రమే చూపించకుండా అందరిని చూపించారు. కాని ఇప్పుడు దాచడం సాధ్యం కాలేదు.

మోక్షజ్ఞ ఎంట్రీ పక్కా అంటున్న బాలయ్య అది ఎప్పుడు అనే విషయంలో మాత్రం క్లారిటీ ఇవ్వడం లేదు. కాని నందమూరి ఫ్యాన్స్‌ మాత్రం మోక్షజ్ఞ ఎంట్రీ ఇచ్చేందుకు కేవలం మూడు నాలుగు నెలల్లో బరువు తగ్గడం ఖాయం అని.. ఆయన బరువుకు ఆందోళన చెందాల్సిన పని లేదంటూ ఫ్యాన్స్‌ నమ్మకంగా ఉన్నారు. గతంలో ఎన్టీఆర్‌ మరీ ఎక్కువ లావు అయ్యాడు. ఇప్పుడు మోక్షజ్ఞ ఆ స్థాయి బరువు కూడా లేడు. కనుక ఈజీగానే ఎన్టీఆర్‌ మాదిరిగా బరువు తగ్గుతాడని ఫ్యాన్స్‌ ధీమాగా ఉన్నారు. యాంటీ ఫ్యాన్స్‌ మాత్రం మోక్షజ్ఞ లుక్స్‌ ను ట్రోల్స్‌ చేస్తున్నారు.