చరణ్ తప్పును బాలయ్య చేయడట!

చరణ్ వినయ విధేయ రామ ప్రమోషన్ ఇంటర్వ్యూలలో తాను స్క్రిప్ట్ ని పూర్తిగా చదవలేదని జస్ట్ కథను విని గుడ్డిగా బోయపాటి శీను ఎలా చేయమంటే అలా చేసానని చెప్పిన సంగతి తెలిసిందే. దానికి తగ్గ కాదు అంతకు మించిన ఫలితాన్ని డిజాస్టర్ రూపంలో అందుకున్న చెర్రి బంగారం లాంటి సంక్రాంతి సీజన్ ని వదిలేసుకున్నాడు. అయితే అదే పొరపాటు బాలయ్య చేయను అంటున్నాడట. అదెలాగ అనుకుంటున్నారా. బోయపాటి శీను నెక్స్ట్ మూవీ బాలయ్యతోనే అని ఎన్టీఆర్ కథానాయకుడు ప్రీ రిలీజ్ లోనే ప్రకటించిన సంగతి తెలిసిందే. దానికి సంబంధించిన కథా చర్చల్లోనే శీను బిజీగా ఉన్నాడట.

ఈ నేపధ్యంలో శీనుని బాలయ్య లంచ్ కి ప్రత్యేకంగా ఆహ్వానించి చాలా సేపు చర్చలు జరిపాడట. దాని సారాంశం ప్రకారం కథ నచ్చిందని అయితే పూర్తి స్క్రిప్ట్ ని ట్రీట్మెంట్ తో సహా ఎలా చూపిస్తావో బౌండెడ్ స్క్రిప్ట్ రూపంలో తీసుకొచ్చాక షూటింగ్ కు వెళ్దామని బాలకృష్ణ చెప్పినట్టు సమాచారం. సాధారణంగా బాలయ్య ఒక్కసారి దర్శకులను నమ్మితే గుడ్డిగా వాళ్ళను ఫాలో అయిపోతాడనే టాక్ ఎప్పటి నుంచో ఉంది. ఆ కారణంగానే చాలా తీసికట్టు సినిమాల్లో నటించాడని వాళ్ళు ఏం చెబుతున్నారో తీస్తున్నారో కనీసం క్రాస్ చెక్ చేసుకునే అలవాటు కూడా లేకపోవడం వల్లే గత పదిహేనేళ్ళలో హిట్ల శాతం బాగా తగ్గిపోయిందని సన్నిహితుల మాట.

అదలా ఉంచితే బోయపాటి శీను వినయ విధేయ రామ విషయంలో తీవ్ర విమర్శల పాలైన నేపధ్యంలో తన విషయంలోనూ అలాంటివి వస్తాయేమో అని బాలయ్య అనుమానించడంలో తప్పు లేదు. ఎందుకంటే వివిఆర్ లో శీను చేసిన తప్పులు అన్ని ఉన్నాయి మరి. సో బాలయ్య కోరినట్టు ఫుల్ స్క్రిప్ట్ సిద్ధం చేసి రెగ్యులర్ షూటింగ్ కు ఎప్పుడు తీసుకువెళ్తాడో అంతా శీను చేతిలో ఉంది