#NBK 106 టైటిల్ అదేనా...?

నందమూరి నటసింహ బాలకృష్ణ - మాస్ మసాలా డైరెక్టర్ బోయపాటి శ్రీను కాంబినేషన్ లో ఓ మూవీ తెరకెక్కుతున్న విషయం తెలిసిందే. ద్వారక క్రియేషన్స్ బ్యానర్ పై యువ నిర్మాత మిర్యాల రవీందర్ రెడ్డి ఈ చిత్రాన్ని నిర్మిస్తున్నారు. బాలయ్య - బోయపాటి కాంబోలో వస్తున్న హ్యాట్రిక్ సినిమా కావడంతో బాలయ్య అభిమానుల్లో భారీ అంచనాలున్నాయి. గతంలో వీరిద్దరి కాంబినేషన్ లో వచ్చిన 'సింహా' 'లెజెండ్' సినిమాలు సూపర్ హిట్ అయ్యాయి. దీంతో ఈ సినిమాపై బాలయ్యతో పాటు ఆయన అభిమానులు కూడా నమ్మకంతో ఉన్నారు. ఈ సినిమాలో బాలకృష్ణ రెండు విభిన్న పాత్రల్లో కనిపించనున్నారట. అందులో ఒక పాత్ర అఘోర పాత్ర అని సమాచారం. గత కొన్నిరోజులుగా ఈ చిత్రానికి ‘మోనార్క్‌’ అనే టైటిల్‌ ను అనుకుంటున్నారని ఇండస్ట్రీ వర్గాల్లో టాక్‌ వినిపిస్తోంది. అయితే ఈ వార్తల పై ఇంకా ఎలాంటి అధికారిక ప్రకటన అయితే రాలేదు.

ఇదిలా ఉండగా జూన్ 10న బాలకృష్ణ పుట్టినరోజు సందర్భంగా ఈ సినిమా టైటిల్‌ ను అధికారికంగా ప్రకటించే అవకాశం ఉందని అనుకుంటున్నారు బాలయ్య ఫ్యాన్స్. అందుకే జూన్ 10 కోసం నందమూరి అభిమానులు ఆతృతగా వెయిట్ చూస్తున్నారు. అంతేకాకుండా ఈ సినిమా టైటిల్ 'మోనార్క్' నే ఫిక్స్ చేస్తే బాగుంటుందని వారు అభిప్రాయపడుతున్నారు. ఇప్పటికే ఈ సినిమా టైటిల్ 'మోనార్క్' అని.. సినిమాలో బాలయ్య గెటప్ ఇలా ఉంటే బాగుంటుందంటూ డిజైన్ చేసిన ఫ్యాన్ మేడ్ పోస్టర్ సోషల్ మీడియాలో హల్ చల్ చేస్తోంది. బాలయ్య అఘోరా గెటప్ లో 'మోనార్క్' సినిమా టైటిల్ తో ఈ పోస్టర్ డిజైన్ చేయబడింది. మరి బాలయ్య కెరీర్లో 106వ చిత్రంగా రాబోతున్న ఈ సినిమాకి ‘మోనార్క్‌’ టైటిల్ చిత్ర యూనిట్ ఫైనలైజ్ చేసారో లేదో తెలియాలంటే జూన్ 10 వరకు వెయిట్ చేయాల్సిందే.

కాగా ఇటీవల ఒక ఇంటర్వ్యూలో ఈ సినిమా విశేషాలు వెల్లడించారు బాలయ్య. ఇప్పటికే ఫస్ట్ షెడ్యూల్ లో ఒక ఫైట్ షూట్ చేశామని చెప్పుకొచ్చారు. బాలయ్య - బోయపాటి గత చిత్రాలు కూడా ఫైట్ తోనే చిత్రీకరణ స్టార్ట్ అయిందని.. ఇప్పుడు కూడా అదే సెంటిమెంట్ ఫాలో అయ్యామని చెప్పుకొచ్చాడు. పరిస్థితులు చక్కబడిన తర్వాత అన్నీ కుదిరితే షూటింగ్ స్టార్ట్ చేస్తామని బాలయ్య చెప్పుకొచ్చారు. కాగా ఈ సినిమాలో హీరోయిన్స్ ఎవరనే దాని మీద ఇంకా క్లారిటీ రాలేదు. కాకపోతే ఈ సినిమాలో ఇద్దరు హీరోయిన్స్ కి స్కోప్ ఉండగా ఒక హీరోయిన్ గా తెలుగమ్మాయి అంజలిని అనుకుంటున్నారట. అంతేకాకుండా ఈ సినిమాకి థమన్ సంగీతం అందించబోతున్నారని సమాచారం.