భలే భలే బాలయ్య కబుర్లు

ఎన్టీఆర్ కథానాయకుడు ఫలితం కమర్షియల్ గా నిరాశ పరిచినా కంటెంట్ కు మెప్పులు దక్కడంతో బాలయ్య ఫ్యాన్స్ కొంత హ్యాపీగానే ఉన్నారు. అయితే దీని ప్రమోషన్ లో భాగంగా విడుదలకు ముందు రానాకు ఇచ్చిన ఒక ఇంటర్వ్యూలో బాలయ్య హీరోయిన్ల గురించి తన ఇతర హీరోల ఇష్టమైన సినిమాల గురించి కొత్త కబుర్లు చాలానే చెప్పాడు. స్మార్ట్ అంటే శ్రేయ-ఫన్నీ అంటే అంజలి-కష్టపడే తత్వం అనుష్కలో ఉందని సెలవిచ్చిన బాలయ్య చిన్నపిల్లలా ఎవరు ప్రవర్తిస్తారు అంటే కొంతసేపు ఆలోచించి రాధికా ఆప్టే పేరు చెప్పడం విశేషం.

వీళ్ళకే కాదు హీరోల్లో కూడా తన ఛాయస్ చెప్పేసాడు. అందగాడు ఎవరంటే తన పేరే చెప్పుకున్న బాలయ్య లవర్ బాయ్ అంటే మాత్రం ఎక్కువ ఆలోచించకుండ నాగార్జున అని చెప్పేసారు. రెబెల్ కు కృష్ణంరాజుని ప్లేయర్ గా రానాను చెప్పిన బాలయ్య ఆయనకు ఇష్టమైన సినిమా సమరసింహారెడ్డినట.

ఇక ఇతర హీరోల సినిమాల్లో ఇష్టమైన వాటి గురించి ప్రస్తావిస్తూ అమితాబ్ బచ్చన్ అగ్ని పథ్ చిరంజీవి జగదేకవీరుడు అతిలోకసుందరి గురించి చెప్పాడు. పక్కనే ఉన్న క్రిష్ అందుకుంటూ ఒకవేళ ఆదిత్య 369 రీమేక్ చేయాల్సి వస్తే మోక్షజ్ఞను ఎంచుకుంటానని రౌడీ ఇన్ స్పెక్టర్ కళ్యాణ్ రామ్ తో భైరవ ద్వీపం జూనియర్ ఎన్టీఆర్ తో చేస్తాడట. అయితే సమరసింహారెడ్డి మాత్రం బాలకృష్ణతోనే రెండో సారి చేస్తాడట. మొత్తానికి బాలయ్య క్రిష్ ల ముచ్చట్లు సందడి సందడిగా సాగాయి.