కోపం కోన వెంకట్‌ మీద లేదా?

మైక్‌ ఆఫ్‌ చేసి ఉందనుకొని డైరెక్టుగానే కామెంట్లు చేశారు బాలయ్య. మొన్న జరిగిన టిఎస్సార్‌ టివి9 అవార్డ్స్‌ కార్యక్రమంలో.. నేను శ్రీను వైట్ల కు బండ్ల గణేష్‌ కు అవార్డులు ఇవ్వనంటూ బాలయ్య చెప్పేయడంతో ఇండస్ట్రీకే షాకిచ్చింది. 'బాద్షా' సినిమా లో బ్రహ్మానందం క్యారెక్టర్‌ ద్వారా తనని ఇమిటేట్‌ చేయించడం వలనే బాలయ్య కు కోపమొచ్చి వీరిని పక్కనెట్టేశారని అందరూ అనుకుంటున్నారు. బాగానే ఉంది.

ఈ అగ్గికి ఆజ్యంపోస్తూ ఇప్పుడు మరో వార్త వినిపిస్తోంది. బాలయ్య 99వ సినిమా ''డిక్టేటర్‌'' నుండి ఇప్పుడు బ్రహ్మానందంను తీసేశారట. రెమ్యూనరేషన్‌ ఎక్కువ అడగుతున్నాడనే కారణం వినిపిస్తున్నా కూడా.. అసలు కారణం మాత్రం బాద్షా సినిమాలో చేసిన ఫైర్‌ ఫైర్స్‌ ది ఫైర్‌ డైలాగ్‌ కామెడీయే అని తెలుస్తోంది. ఒకవేళ బాలయ్య అవార్డు ఇవ్వనంది ఆ రోల్‌ వలనే అనుకుందాం.. అప్పుడు శ్రీనువైట్ల, బండ్ల గణేష్‌, బ్రహ్మానందంతో పాటుగా రైటర్‌ కోన వెంకట్‌ ను ఎందుకు స్పేర్‌ చేసినట్లు?

అసలు ఆ రోల్‌ డిజైన్‌ చేసిందే కోన వెంకట్‌. అలాంటప్పుడు ఆయనపై వేటు వేయకుండా ఇలా అందరినీ పక్కనెట్టేశారా బాలయ్య? ఈ మధ్యనే తనపై చేసిన కామెడీ బాగుందని బాలయ్య మెచ్చుకున్నారు అంటూ సంపూర్ణేష్‌ బాబు చెప్పుకొచ్చారు. అలాంటప్పుడు బాలయ్య ప్రతీదీ చాలా పాజిటివ్‌ గానే తీసుకుంటారని అనుకోవాలి మరి. ఇంతకీ ఈ ఎపిసోడ్‌ ఏంటో అస్సలు క్లారిటీ లేకుండా ఉంది కదూ...