బాల‌య్య నిర్మాత‌ల్లో ఉర‌క‌లెత్తే ఉత్సాహం

న‌ట‌సింహా నంద‌మూరి బాల‌కృష్ణ క‌థానాయ‌కుడిగా న‌టించిన 'వీర సింహారెడ్డి' సంక్రాంతి రేసులో ముందంజ‌లో ఉంద‌న్న గుస‌గుస ఒంగోలు- ప్రీరిలీజ్ వేదిక వ‌ద్ద వినిపించింది. అంతేకాదు.. నిర్మాత‌లు వీర‌సింహారెడ్డితో పాటు 'వాల్తేరు వీర‌య్య' కూడా మాస్ కి స్పెష‌ల్ ట్రీట్ గా నిలుస్తాయ‌ని ప్ర‌క‌టించారు. దీంతో ఇటు బాల‌య్య అభిమానుల్లో అటు మెగాభిమానుల్లో ఒక‌టే ఉత్సాహం ఉర‌క‌లెత్తింది.

దీనికి మించి ఇద్ద‌రు అగ్ర హీరోల‌తో ఒకే సీజ‌న్ లో సినిమాలు తీసి ఈ రెండు సినిమాల‌ను సంక్రాంతి పందెంలోకి దించిన డేరింగ్ అండ్ డ్యాషింగ్ మైత్రి అధినేత‌లు న‌వీన్ ఎర్నేని - వై. ర‌విశంక‌ర్ గురించి ఇప్పుడు అభిమానుల్లో హ‌ట్ డిబేట్ న‌డుస్తోంది. గ‌ట్సీగా సినిమాలు తీస్తూ రిలీజ్ బ‌రిలోకి తేవడం అంటే మాట‌లు కాదు. భారీ బ‌డ్జెట్లు కుమ్మ‌రించాలి. ఫైనాన్స్ ని మేనేజ్ చేయాలి. జ‌యాప‌జ‌యాల‌కు అతీతంగా ఒక నిర్మాత‌గా గుండె ధైర్యంతో ప్ర‌తిదీ ఆన్ లొకేష‌న్ అందించాల్సి ఉంటుంది. ఈ విష‌యంలో మైత్రి అధినేత‌లు ఎంత గొప్ప‌వారో వీర‌సింహారెడ్డి వేదిక‌పై న‌ట‌సింహా నంద‌మూరి బాల‌కృష్ణ‌.. ద‌ర్శ‌కుడు గోపిచంద్ మ‌లినేని.. బి గోపాల్ వంటి వారు వ‌ర్ణించిన తీరు ఆస‌క్తిక‌రం.

ఇక ఇదే వేదిక‌పై నిర్మాత‌ వై రవిశంకర్ కాస్త ఎమోష‌న‌ల్ గా మాట్లాడుతూ.. ఇలాంటి అద్భుతమైన సినిమా తీసే అవకాశం ఇచ్చిన బాలకృష్ణ గారికి కృతజ్ఞతలు తెలిపారు. శ్రుతిహాసన్ ఇందులో ఇరగదీశారని హానీ రోజ్- దునియా రవి- చంద్రిక రవి అద్భుతంగా న‌టించ‌డ‌మే గాక త‌న‌కు ఎంతో స‌హ‌క‌రించార‌ని తెలిపారు.

దర్శకుడు గోపీచంద్ మలినేని సినిమాని ఇరగదీశారు... రామ్ లక్ష్మణ్ మాస్టర్ చింపి ఆరేశారు... ఆర్ట్ డైరెక్టర్ ఎఎస్ ప్రకాష్ ... ఎడిటర్ నవీన్ నూలి అద్భుతమైన ప‌నిత‌నం ఈ సినిమాని మ‌రో లెవ‌ల్ కి తీసుకెళ్లిందంటూ ఎమోష‌న‌ల్ అయ్యారు. ఇక సంగీతం గురించి ఆకాశానికెత్తేసారు. తమన్ మ్యూజిక్ ఇరగగొట్టాడు. రీరికార్డింగ్ వేరే లెవల్ లో వుంది. నందమూరి అభిమానుల అంచనాలు మించేలా వీరసింహారెడ్డి వుంటుంది. సంక్రాంతి రేసులో మా రెండు సినిమాలు చూసి ఎంజాయ్ చేయండి అని జోష్ ని ప్ర‌ద‌ర్శించారు.

ఇదే వేదిక‌పై మ‌రో నిర్మాత నవీన్ యెర్నేని మాట్లాడుతూ.. బాలకృష్ణ గారితో సినిమా చేయడం మా కల. వీరసింహారెడ్డి తో ఆ కల నెర‌వేరింది. ఈ అవకాశం ఇచ్చిన బాలకృష్ణ గారికి మా కృతజ్ఞతలు. మాకు ఇంత గొప్ప సినిమా తీసిన‌ గోపిచంద్ మలినేని కి థాంక్స్. ఈ ఈవెంట్ కి విచ్చేసిన బి గోపాల్- అంబికా కృష్ణ గారికి కృతజ్ఞతలు. జనవరి 12న వీరసింహ రెడ్డి పెద్ద బ్లాక్ బస్టర్ అవుతుంది... అంటూ ఎమోష‌న‌ల్ గా మాట్లాడారు.

వేదిక‌కు ముఖ్య అతిథి సీనియ‌ర్ ద‌ర్శ‌కులు బి గోపాల్ మాట్లాడుతూ- వీరసింహారెడ్డి ట్రైలర్ అద్భుతంగా ఉంద‌ని కితాబిచ్చారు. బాలయ్య బాబు అద్భుతమైన నటుడు. నాకు నాలుగు సూపర్ హిట్ సినిమాలు చేసారు. లారీ డ్రైవర్ - రౌడీ ఇన్ స్పెక్టర్- సమరసింహా రెడ్డి- నరసింహనాయడు.. అన్నీ సూపర్ హిట్లే. వీరసింహారెడ్డిలో బాలయ్య బాబు లక్స్.. గెట‌ప్పులు చూస్తుంటే నాకు ఒళ్ళు జలదరించింది. పండగకి వీరసింహారెడ్డి పెద్ద అలంకారం. సమరసింహా రెడ్డి- నరసింహనాయడు- అఖండలకి మించి వీరసింహారెడ్డి అద్భుత విజయం సాధిస్తుంది! అని అన్నారు. గోపీచంద్ మలినేని బాలయ్య బాబుని అద్భుతంగా చూపించాడని ఆశీస్సులు అందించారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.