బంగ్లా మీద పేలిన బాలయ్య పంచులు

అసలు ఇండియా చేతిలో బంగ్లాదేశ్ ఓడిపోతుందనే ఒక ప్రక్కన క్రికెట్ వరల్డ్ అంతా జోస్యం చెబుతుంటే.. బంగ్లాదేశ్ మీడియా అండ్ ఫ్యాన్స్ మాత్రం ఇండియాను చాలా చులకను చేస్తే పైశాచిక ఆనందంపొందరు. అది ఏ రేంజులో అంటే.. గతంలో ఎలాగైతే ధోని సేనకు అరగుండి కొట్టినట్లు ఫోటోషాపింగ్ చేసి ఒక ఫోటోను అక్కడి వార్తాపత్రిక ప్రచురించిందో.. ఇప్పుడు కూడా అదే విధంగా వాళ్ళు రెచ్చిపోయారు.

బంగ్లాదేశ్ ను ఒక పులిగా పోల్చుతూ.. ఇండియాను ఒక్క కుక్కగా అభివర్ణిస్తూ.. పులి కుక్కను తరిమికొడుతుంది అనే తరహాలో కార్టూన్లూ కూడా గీయించారు. కాకపోతే ఈ పైశాచిక ఆనందం ఎంతోసేపు నిలవలేదు. నిన్నటి ఛాంపియన్స్ ట్రోఫిలో మ్యాచ్ తొలిసగం.. అంటే బంగ్లా బ్యాటింగ్ పూర్తవ్వగానే.. వీరి సంగతి అయిపోయిందంటూ క్రికెట్ ఎక్స్ పర్టులు కామెంట్ చేశారు. ఈ మధ్యన సునాయసంగా వన్డేల్లో 330+ రన్స్ కొట్టేస్తున్న టీమిండియా.. నిన్న వీరిచ్చిన 265 పరుగుల టార్గెట్ ను ఒక్క వికెట్ నష్టానికే సాధించింది. మన బ్యాటింగ్ స్థాయి వరల్డ్ క్లాస్ అని.. బౌలింగ్ అండ్ ఫీల్డింగ్ కూడా ఒక ఇంటర్నేషనల్ నెం.1 టీమ్ ఎలా ఉంటుందో ప్రపంచానికి చూపించాయి. అందుకే ఇప్పుడు ఇండియాలో ఫ్యాన్స్ రెచ్చిపోయి బంగ్లాదేశ్ ను కామెడీ చేస్తున్నాయి.

అదిగో మన తెలుగు ఫ్యాన్స్ అయితే.. 'లెజండ్' సినిమాలో నందమూరి బాలకృష్ణ డైలాగులను వాడుకుని.. పిచ్చెక్కిస్తున్నారు. ''మాకు ఒకడు ఎదురొచ్చినా వాడికే రిస్క్.. మేం ఒకడికి ఎదురెళ్ళినా వాడికే రిస్క్'' అంటూ ఇండియన్ ఫ్యాన్స్.. బంగ్లా ఫ్యాన్స్ కు చెప్పినట్లు మేమ్స్ తయారుచేసి ఇంటర్నెట్లో దంచేస్తున్నారు. అది సంగతి.

Like Us on Facebook : https://www.facebook.com/Tupakidotcom/