జూ.ఎన్టీఆర్‌ కు క్లారిటీ ఇచ్చిన బాల‌య్య‌

ఇపుడు అంద‌రి క‌ళ్లూ శ‌త‌చిత్ర‌యోధుడైన‌ బాల‌య్య- పూరి జ‌గ‌న్నాథ్‌ల కాంబినేష‌న్‌లో రాబోతున్న చిత్రంపైనే ఉన్నాయి. మంచి క‌థ‌ల‌తో పాటు అద్భుత‌మైన ద‌ర్శ‌క‌త్వ నైపుణ్యాల‌తో సినిమాను తీయ‌డ‌మే కాకుండా విడుద‌ల తేదీని ముందే ప్ర‌క‌టించేయ‌డం, అనుకున్న తేదీక‌ల్లా సినిమా విడుద‌ల చేయ‌డం పూరి ప్ర‌త్యేక‌త‌. అలాంటి ప్ర‌త్యేక ల‌క్ష‌ణాలే ఆయ‌న్ను టాప్ హీరోల‌కు చేరువ చేసింది. అయితే పూరి జ‌గ‌న్నాథ్‌కు ఉన్న ఈ ప్ర‌త్యేకత‌తో చేసిన‌ ప్ర‌క‌ట‌న ఇప్పుడు బాబాయ్ బాల‌కృష్ణ అబ్బాయ్ ఎన్టీఆర్‌కు ప‌రోక్షంగా ఓ సందేశం పంపిన‌ట్ల‌యింద‌ని టాక్ ఫిలింన‌గ‌ర్ వ‌ర్గాల్లో వినిపిస్తోంది.

ఎన్టీఆర్ త్రిపాత్రాభిన‌యంతో బాబీ ద‌ర్శ‌క‌త్వంలో రూపొందుతున్న 'జై ల‌వ‌కుశ‌' ద‌స‌రాకు విడుద‌ల అవుతుంద‌ని ఇటీవ‌ల వినిపిస్తోంది. అయితే బాల‌య్య‌-పూరి కాంబినేష‌న్‌లో రాబోయే సినిమా ముహుర్తం స‌మ‌యంలో సినిమాను విజ‌య ద‌శ‌మికి విడుద‌ల చేయ‌నున్న‌ట్లు ప్ర‌క‌టించారు. బాల‌య్య, ఇత‌ర హీరోల‌ సినిమాలు గ‌తంలో ద‌స‌రాకు పోటీగా వ‌చ్చాయ‌ని చెప్తూ అందుకే క్లాప్ కొడుతున్న స‌మ‌యంలోనే క్లారిటీ ఇచ్చేస్తున్న‌ట్లు తెలిపారు. అయితే ఇది జూనియ‌ర్ సినిమాకు ప‌రోక్షంగా ఇచ్చిన సందేశం అని గుస‌గుస‌లు సాగుతున్నాయి.

తాము ముందుగానే ద‌స‌రా రిలీజ్ అని ప్ర‌కటించామ‌ని పేర్కొంటూ ఎన్టీఆర్ సినిమా ద‌స‌రాకు బ‌రిలో ఉండ‌వ‌ద్ద‌నే అభిప్రాయాన్ని ప‌రోక్షంగా ఆ చిత్ర బృందానికి ఇచ్చిన‌ట్ల‌యింద‌నే టాక్ సినీ వ‌ర్గాల్లో వినిపిస్తోంది. డేట్ ముందుగానే ప్ర‌క‌టించ‌డం ఇందుకేన‌న‌ని కొంద‌రు చెప్పుకొస్తూ బాబాయ్‌-అబ్బాయ్ ల మ‌ధ్య పోటీకి అవ‌కాశం ఉండ‌ద‌ని అంటున్నారు. అయితే ఈ ప‌రోక్ష సందేశా్ని ల‌వ‌కుశ టీమ్ ఎలా డీల్ చేస్తుందో చూడాలి మ‌రి.