మోక్షజ్ఞ ఎంట్రీ.. బాలయ్య సంకేతాలు!

టాలీవుడ్ సినిమా ఇండస్ట్రీలో స్టార్ హీరోల వారసులకు క్రేజ్ ఏ స్థాయిలో ఉంటుందో ప్రత్యేకంగా చెప్పనవసరం లేదు. ఇక ఇప్పుడు చాలామంది ఫోకస్ ఎక్కువగా నందమూరి బాలకృష్ణ వారసుడి పైనే ఉంది. ఆయన తనయుడు నందమూరి మోక్షజ్ఞ తేజ ఎప్పుడు వెండితెరపై కనిపిస్తాడా అని వారి ఫ్యాన్స్ ఎంతో ఆత్రుతగా ఎదురు చూస్తున్నారు.

అసలే ఇప్పుడు బాలయ్య బాబు క్రేజ్ మామూలుగా లేదు అన్ స్టాపబుల్ షో మొదలుపెట్టిన తర్వాత ఆయన రేంజ్ మరో లెవల్ కి వెళ్ళిపోయింది. అన్ని వర్గాల ప్రేక్షకులు కూడా ఇప్పుడు ఆయనను ఇష్టపడుతున్నారు. ఓవర్సీస్ లో కూడా ఇప్పుడు బాలయ్య మార్కెట్ మరింత పెరుగుతుంది. అయితే నందమూరి బాలకృష్ణ తనయుడు ఎంట్రీ విషయంలో మాత్రం కొంచెం కూడా రిస్క్ తీసుకోవడానికి ఇష్టపడడం లేదు అని అర్థమవుతుంది.

పూర్తి స్థాయిలో ప్రణాళికలు సిద్ధం చేసుకున్న తర్వాతనే అతన్ని పరిచయం చేయాలని అనుకుంటున్నాడు. ఈ మధ్యనే మోక్షజ్ఞ కోసం బాలయ్య బాబు కాస్త సీరియస్ గా ఫోకస్ చేసినట్లుగా తెలుస్తోంది. గతంలో అయితే అతన్ని బయట ప్రపంచంలో ఎక్కువగా తిరగనిచ్చేవారు కాదు. కానీ ఈ మధ్య ఆయన ఏదైనా మంచి కంటెంట్ ఉన్న సినిమాలు వస్తే స్పెషల్ షోలకు తీసుకువెళ్తున్నారు.

ఆ మధ్య హిట్ 2 చూపించారు. అంతేకాకుండా విరసింహారెడ్డి సినిమాకు సంబంధించిన షూటింగ్లలో కూడా అతను పాల్గొన్నట్లు తెలుస్తోంది. షూటింగ్ వాతావరణం కూడా అతనికి అలవాటు అయ్యే విధంగా ముందుగానే షూటింగ్లకు తీసుకు వస్తున్నట్లు అర్థమవుతుంది.

ఇక మోక్షజ్ఞ సంబంధించిన మొదటి సినిమా తన దర్శకత్వంలోనే ఉంటుంది అని ఆదిత్య 369కి సుక్వెల్ గా ఆదిత్య 999 రాబోతుంది అని గతంలో బాలయ్య బాబు క్లారిటీ ఇచ్చిన విషయం తెలిసిందే.

అయితే ఆ కథ ఎంతవరకు వచ్చింది అనే విషయంలో ఇంకా ఆయన క్లారిటీ ఇవ్వలేదు. కానీ కొడుకుని మాత్రం కాస్త ఎక్కువగా బయట తిప్పుతూ ఉండడంతో ఒక విధంగా ఎంట్రీకి రంగం సిద్ధమవుతోంది అని సంకేతాలు పంపుతున్నట్లు అర్థమవుతుంది. మరి ఇది ఎంతవరకు నిజమవుతుందో చూడాలి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.