బాలయ్య వారసుడేంటి ఇలా ఉన్నాడు?

బాక్స్ ఆఫీస్ బొనాంజాగా వంద సినిమాలకు పైగా చేసి ఎన్టీఆర్ నట వారసుడిగా వెలిగిపోతున్న బాలకృష్ణ తర్వాతి తరం హీరోగా అభిమానులు ఎదురు చూస్తున్న మోక్షజ్ఞ ఎంట్రీ ఎప్పుడు జరుగుతుందో అంతుచిక్కడం లేదు. ఆ మధ్య మోక్షజ్ఞను ట్రైనింగ్ కోసం వైజాగ్ సత్యానంద్ దగ్గరికి పంపారని ఒకసారి లేదు విదేశాల్లో 24 క్రాఫ్ట్స్ కి సంబంధించి శిక్షణలో ఉన్నాడని మరోసారి ఇలా రకరకాల వార్తలు ప్రచారంలోకి వచ్చాయి.

దానికి తగ్గట్టు మోక్షజ్ఞను పబ్లిక్ లైట్ లోకి తీసుకురాకుండా బాలయ్య చాలా జాగ్రత్తలు తీసుకుంటున్నాడు. ఏదో లీక్స్ రూపంలో చూసుకోవడం తప్ప మోక్షజ్ఞ రూపురేఖలు ఖచ్చితంగా ఇలా ఉంటాయనే క్లారిటీ మిస్ అయ్యి అభిమానులకు ఏళ్ళు గడుస్తోంది. ఈ నేపథ్యంలో ఎన్నికల్లో విజయాన్ని ఆకాంక్షిస్తూ బాలకృష్ణ కుటుంబం ఇటీవలే చేసిన దైవ దర్శనం తాలూకు ఫోటోలు లీక్ అయ్యాయి

అందులో మోక్షజ్ఞ ఉండటం అందరిలోనూ ఆసక్తి రేపింది. అయితే షాక్ ఇచ్చే అంశం ఏమిటంటే అతనిలో ఎలాంటి స్పార్క్ కనిపించలేదు. ఓ మాములు వ్యక్తిలా ఉన్నాడే తప్ప లక్షలాది అభిమానులు ఎదురు చూస్తున్న తెరంగేట్రపు కథానాయకుడిలా లేడు. ఇదే అభిప్రాయం ఈ పిక్స్ చూసిన వారి నుంచి
వ్యక్తమవుతోంది.

అంటే ఇంకా మేకోవర్ లాంటి ప్రయత్నాలు ఏమి జరగడం లేదన్న మాట. మోక్షజ్ఞ మరీ టీనేజ్ కుర్రాడేమి కాదు. ఎంట్రీకి ఇదే సరైన సమయం. మరి బాలయ్య ఇంత లైట్ గా ఎందుకు తీసుకుంటున్నాడో అర్థం కావడం లేదు. బాలయ్య మార్కెట్ డౌన్ లో ఉందనే విషయం ఎన్టీఆర్ బయోపిక్స్ రెండు భాగాలూ రుజువు చేశాయి. సో వీలైనంత త్వరగా మోక్షజ్ఞను తీసుకొస్తే ఫ్యాన్స్ సంతోషంగా ఫీలవుతారు. కానీ బాలయ్య సైడ్ నుంచి అలాంటి సంకేతాలు అయితే ఏమీ కనిపించడం లేదు