వారు ఇండస్ట్రీకి రెండు కళ్లు -బాలయ్య

జైసింహా అంటూ బాలయ్య మరోసారి సింహం మాదిరిగా గర్జించేస్తున్నారు. క్రిస్మస్ కానుకగా విడుదల చేసిన ట్రైలర్ ను చూస్తేనే.. జైసింహా ఏ స్థాయిలో పవర్ ఫుల్ గా ఉండబోతోందో అర్ధమవుతుంది. ఇక రీసెంట్ గా జైసింహా చిత్రానికి ఆడియో ఫంక్షన్ ను విజయవాడలో గ్రాండ్ గా నిర్వహించారు.

ఈ వేడుకలో బాలయ్య అనేక ఆసక్తికరమైన సంగతులు వెల్లడించారు. 20 నిమిషాలకు పైగా సాగిన బాలయ్య స్పీచ్ లో.. అనేక అంశాలు బయటకు వచ్చాయి. అప్పట్లో తన తండ్రి ఎన్టీఆర్ నిర్మాతగా కొన్ని సినిమాలు ఫెయిల్ అయినా.. జయసింహ చిత్రంతో సక్సెస్ సాధించారని చెప్పారు బాలయ్య. అయితే.. అప్పట్లో ఇండస్ట్రీకి ఎన్టీఆర్-ఏఎన్నార్ లు రెండు కళ్లు అని చెప్పారు బాలకృష్ణ. ఎన్టీఆర్ నుంచి క్రమశిక్షణ నేర్చుకుంటే.. పొగడ్తలకు పొంగిపోకూడదనే తత్వాన్ని ఏఎన్నార్ నుంచి నేర్చుకున్నానని అన్నారు బాలయ్య.

జైసింహా చిత్రానికి చిరంతన్ భట్ అందించిన సంగీతం అద్భుతంగా ఉందన్న బాలకృష్ణ.. భాస్కరభట్ల అందించిన సాహిత్యం.. లెజెండ్ తర్వాత రత్నం అందించిన రచన.. ఈ చిత్రాన్ని ఎన్నో మెట్లు ఎక్కించేశాయని చెప్పారు నందమూరి బాలకృష్ణ. మ్యూజిక్ హిట్ అయితే సినిమా సగం హిట్ అన్నట్లే అన్న బాలయ్య.. స్పీచ్ ఆసాంతం తన డైలాగ్స్ ను చెబుతూ అభిమానులను ఉర్రూతలూగించారు.