జై సింహా అప్పుడే మొదలెట్టేశాడే

కొత్త ఏడాది మొదటి పండగ మరికొన్ని రోజుల్లో స్టార్ట్ కాబోతోంది. అలాగే సినిమాల సంబరాలు కూడా మొదలు కానున్నాయి. మొత్తంగా ఒక నాలుగు సినిమాలు సంక్రాంతి బరిలో పోటీకి సిద్దపడ్డాయి. పవన్ కళ్యాణ్ - అజ్ఞాతవాసి అలాగే బాలకృష్ణ జై సింహ తో పాటు రైజింగ్ హీరో రాజ్ తరుణ్ రంగుల రాట్నం సినిమాలు రిలీజ్ కానున్నాయి. వీరితో పాటు పరభాష చిత్రం సూర్య నటించిన గ్యాంగ్ పొంగల్ ఎటాక్ కి సిద్ధమైంది.

అయితే స్టార్ హీరోలు కొంత మంది ప్రమోషన్స్ చేయడంలో కాస్త డిఫెరెంట్ గా ఉంటారు. మహేష్ బాబు ప్రభాస్ అల్లు అర్జున్ వంటి వారు పలు రకాల ఈవెంట్స్ లలో సినిమా ప్రమోషన్స్ ని నిర్వహిస్తుంటారు. కానీ పవన్ కళ్యాణ్ లాంటి హీరోలు మాత్రం సినిమాకి ముందు ప్రమోషన్స్ లలో పాల్గొనరు గాని సినిమా రిజల్ట్ తరువాత నచ్చితే ఒక ఇంటార్వ్యూ ఇస్తుంటాడు. ఇకపోతే బాలయ్య బాబు మాత్రం ఎక్కువగా ఇంటర్వ్యూలతోనే సినిమా ప్రమోషన్స్ ని పెంచుతుంటాడు.

అయితే జై సింహా సినిమా రిలీజ్ కు ఇంకా సమయం చాలానే ఉన్నా కూడా అప్పుడే బాలయ్య ఇంటర్వూలతో హల్ చల్ చేస్తున్నాడు. రీసెంట్ గా ఒక ఇంటర్వ్యూ ని కూడా బాలయ్య పూర్తి చేశాడు. ఆ తరువాత చిత్ర యూనిట్ తో కూడా కలిసి బాలయ్య మరి కొన్ని ఇంటర్వ్యూలను ఇవ్వనున్నాడు. సినిమా రిజల్ట్ వరకు ఇదే దారిలో ఎక్కువగా బాలయ్య వెళుతుంటాడు. ఇక జై సింహా సినిమా జనవరి 12న రిలీజ్ కాబోతోన్న సంగతి తెలిసిందే.