మహేష్‌ నుండి బాలయ్య వయా వెంకీ

అదేంటో తెలియదు కాని.. ఒకప్పుడు పూరి జగన్ కథ చెప్పగానే వరుసపెట్టి డేట్లు ఇచ్చేసే స్టార్ హీరోలందరూ ఇప్పుడు మాత్రం ప్రాజెక్టు బడ్జెట్ విని ముఖం చాటేస్తున్నారు. పైగా ఈ మధ్యనే తీసిన ''ఇజం'' సినిమా ఫ్లాపయ్యాక పూరి సీన్ పూర్తిగా మారిపోయింది. అందుకే మనోడు ఒక సరైన ప్రాజెక్టును సెట్ చేసుకోవడానికి నానా తంటాలు పడుతున్నాడు.

అసలు ఇజం సినిమా హిట్టయితే మాత్రం వెంటన ఈ డ్యాషింగ్ దర్శకుడు ఎన్టీఆర్ తో సినిమా చేద్దాం అనుకున్నాడు. కాని రిజల్ట్ తేడాగా పడటంతో ఆ ఛాన్స్ మిస్సయ్యింది. తరువాత మహేష్‌ బాబుతో అప్పుడెప్పుడో ప్రకటించిన జన గన మణ సినిమాను తీసేద్దాం అనుకున్నాడు. కాని కథ అనుకున్నట్లు రాకపోవడంతో మహేష్‌ ఈ సినిమాను పక్కనెట్టేశాడు. దానితో వెంటనే ఆ సినిమాను వెంకటేష్‌ దగ్గరకు తీసుకెళ్ళి.. ఇది ఆయన 75వ సినిమాగా చేసేద్దాం అనుకున్నాడు జగన్. దాదాపు అంతా ఫైనల్ అనుకున్నప్పుడు బడ్జెట్ విషయంలో ఏదా తేడా కొట్టిందంటూ రూమర్లు వచ్చేశాయి.

అలా మహేష్‌ నుండి వెంకటేష్‌ దగ్గరకు వెళ్ళిన జన గన మణ.. ఇప్పుడు నందమూరి క్యాంపులోని సీనియర్ హీరో దగ్గరొచ్చి ఆగిందట. అదిగో అదే కథను మనోడు బాలకృష్ణకు వినిపించగా.. ఆయన వెంటనే ఓకె చెప్పినట్లు తెలుస్తోంది. మొత్తానికి పూరి జగన్ ఇప్పుడు తన జన గన మణ సినిమాకు హీరోను వెతుక్కోవడానికి లిటరల్ గా చుక్కలు చూస్తున్నాడనమాట.

Like Us on Facebook : https://www.facebook.com/Tupakidotcom/