ఎన్టీఆర్ గా కనిపించడం ఖాయమే

నందమూరి బాలకృష్ణ లేటెస్ట్ మూవీ పైసా వసూల్ రేపే థియేటర్లలోకి వస్తోంది. ముందుగా చెప్పిన డేట్ కంటే ఏళ్లపాటు వాయిదా పడ్డ సినిమాలు చాలానే ఉంటాయ్ కానీ.. నాలుగు వారాలు ముందుకు వచ్చేసి మరీ విడుదలవుతుండడం.. టాలీవుడ్ చరిత్రలోనే రికార్డ్ అని చెప్పచ్చు. పూరీ వేగానికి బాలయ్య కమిట్మెంట్ తోడవడమే ఇందుకు కారణం. పైసా వసూల్ ప్రమోషన్ వర్క్స్ లో పాల్గొంటున్న బాలయ్య.. తన కలల ప్రాజెక్ట్ సాకారం అయ్యే రోజు దగ్గరకు వచ్చేసిందని చెబుతున్నారు.

సీనియర్ ఎన్టీఆర్ పాత్రలో నటించడం అంటే ఏ నటుడికి అయినా సాహసమే. కానీ ఈయన కుమారుడు కావడంతో బాలకృష్ణకు ఈ విషయంలో అడ్వాంటేజ్ ఉంటుంది. పైగా డైలాగ్ డెలివరీలో ప్రస్తుత నటుల్లో ఎవరూ ఆయనకు పోటీ వచ్చేవారే లేరు. పైగా ఆ పాత్రపై బాలయ్యకు మక్కువ ఎక్కువ. కొన్ని నెలల నుంచి ఈ ప్రాజెక్ట్ ప్రస్తావన వస్తున్నా.. బాలకృష్ణ నోటి వెంట ఆ కబుర్లను అభిమానులు వినలేదు. ఇప్పుడు పైసా వసూలు ప్రచారంలో పాల్గొంటున్న బాలయ్య.. తన మరుసటి చిత్రం ఎన్టీఆర్ జీవిత చరిత్రే అని చెప్పేశారు. ప్రస్తుతం స్క్రిప్ట్ పనులు జరుగుతున్నాయని చెప్పిన బాలకృష్ణ. మరో రెండు మూడు రోజుల్లోనే దర్శకుడి పేరును అనౌన్స్ చేయనున్నట్లు తెలిపారు.

తండ్రి గురించి తనకు తెలిసిన వివరాలతో పాటు తమ బంధువులు.. ఆయన సన్నిహితులు.. ఆయన దగ్గర పని చేసిన అధికారులు.. వ్యక్తుల దగ్గర నుంచి కూడా వివరాలు సేకరిస్తున్నామని.. తాను కూడా చెన్నై వెళ్లి కొన్ని డీటైల్స్ కలెక్ట్ చేశానని అన్నారు బాలయ్య. ఇండస్ట్రీలో పది మందికి ఉపాధి లభిస్తుందనే ఉద్దేశ్యంతోనే తాను సినిమాల వేగం పెంచినట్లు చెప్పడం విశేషం.