డెడ్లీ మిషన్ కు బాలయ్య సపోర్టిచ్చాడు

'ఏ ప్రవీణ్ సత్తారు మిషన్' అంటూ ఇప్పటికే టాలీవుడ్లో మీరు చాలా పోస్టర్లు చూసుంటారు. ''గరుడ వేగ'' అంటూ ఒక సినిమాను రూపొందిస్తున్న ఈ టాలెంటడ్ డైరక్టర్.. కథలో సీనియర్ హీరో రాజశేఖర్ దేశ రక్షణ కోసం ఒక వినూత్నమైన మిషన్ పై వెళతాడు కాబట్టి.. అందుకు తగ్గట్లే ప్రమోషన్లు చేస్తున్నాడు. అయితే ఇప్పుడు ఈ మిషన్ ను సపోర్టు చేయడానికి స్వయంగా నందమూరి హీరో లైన్లోకి వచ్చాడు.

ఇప్పటికే గరుడ వేగ సినిమా టీజర్ ను మంచు లక్ష్మి - తాప్సీ - రానా వంటి హీరోహీరోయిన్లు సోషల్ మీడియాలో రిలీజ్ చేశారు. ఇప్పుడు ట్రైలర్ లాంచ్ కు బజ్ తీసుకురావడానికి మనోళ్లు నందమూరి బాలకృష్ణ సాయం తీసుకుంటున్నారు. రేపు సాయంత్రం ఒక ఫేమస్ మల్టీప్లెక్స్ ధియేటర్లో స్వయంగా బాలయ్య ఈ సినిమా ట్రైలర్ ను రిలీజ్ చేస్తారట. నవంబర్ 3న కాని.. ఆ తరువాత వారంలో కాని వద్దాం అనుకుంటున్న ఈ సినిమాకు ఆల్రెడీ సన్నీ లియోన్ డియో డియో ఐటెం సాంగ్ పుణ్యమా అంటూ బాగానే పాపులార్టీ వచ్చింది. ఇప్పుడు బాలయ్య రాకతో మిషన్ కు మాంచి సపోర్టే దక్కింది.

ఇకపోతే మరో విషయం ఏంటంటే.. అసలు ఈ మధ్య కాలంలో బాక్సాఫీస్ దగ్గర మినిమం కూడా రాజశేఖర్ సినిమాలు ఆడట్లేదు. అందుకే ఇప్పుడు ఏకంగా 20 కోట్ల బడ్జెట్ తో రూపొందిన గరుడ వేగ సినిమా.. ఇన్వెస్టుమెంటును రికవర్ చేసుకొనే విషయంలో.. ఒక డెడ్లీ మిషన్ అనే చెప్పాలి. కాకపోతే ఈ మిషన్ తాలూకు రిజల్ట్ అనేది ప్రేక్షకుల చేతిలో ఉంది. లెటజ్ సీ.