బాలయ్య చూపించనున్న ఇంటిలిజెంట్

మెగా హీరో సాయిధరమ్ తేజ్ ఇంతవరకు తన డ్యాన్సులు.. ఫైట్లతో అభిమానులను మెప్పించుకుంటూ వస్తున్నాడు. లేటెస్ట్ గా తన తెలివితేటలతో మెప్పించడానికి రెడీ అయిపోయాడు. అదెలా అన్నది తన నెక్ట్స్ సినిమా ఇంటిలెంజెట్ లో చూపించబోతున్నాడు. వి.వి.వినాయక్ డైరెక్షన్ లో తెరకెక్కిన ఈమూవీ ఫిబ్రవరి 9న థియేటర్లకు రానుంది.

ఈ సినిమా ఫస్ట్ లుక్ కు ఇప్పటికే మంచి టాక్ వచ్చింది. ఇప్పుడు టీజర్ ను అభిమానుల ముందుకు తేవడానికి రెడీ అయ్యారు. ఈ టీజర్ ను నందమూరి హీరో బాలకృష్ణ చేతులమీదుగా లాంచ్ చేయబోతుండటం విశేషం. మెగా హీరో సినిమా ఈవెంట్ కు బాలకృష్ణ వస్తుండటం అభిమానులందరికీ తెగ ఉత్సాహాన్ని ఇస్తోంది. హీరో సాయి ధరమ్ తేజ్ కూడా బాలకృష్ణ ఈ ఈవెంట్ కు రావడానికి ఓకే చెప్పడం పట్ల సోషల్ మీడియా ద్వారా ధ్యాంక్స్ చెప్పాడు. బాలకృష్ణ లేటెస్ట్ సినిమాను ప్రొడ్యూస్ చేసిన సి.కళ్యాణే ఇంటిలెజింట్ సినిమాకు కూడా నిర్మాత. దీనికితోడు డైరెక్టర్ వి.వి.వినాయక్ కు నందమూరి ఫ్యామిలీతో మంచి రిలేషన్స్ ఉన్నాయి. దాంతో బాలయ్య ఈ ఈవెంట్ కు రావడానికి దారి ఈజీ అయింది.

ఈమధ్య కాలంలో మెగా ఫ్యామిలీ.. నందమూరి ఫ్యామిలీ ఒకేవేదికపై కనిపించే సీన్ త్వరగానే రిపీటవుతోంది. రీసెంట్ గా ఎన్టీఆర్ హీరోగా త్రివిక్రమ్ శ్రీనివాస్ డైరెక్షన్ లో తీస్తున్న సినిమా స్టార్టింగ్ ఈవెంట్ కు పవర్ స్టార్ పవన్ కళ్యాణ్ అటెండయ్యాడు. ఇప్పుడు తేజు ఫంక్షన్ కు బాలకృష్ణ వస్తున్నాడు. ఇక దర్శక ధీరుడు రాజమౌళి డైరెక్షన్ లో ఎన్టీఆర్ - రామ్ చరణ్ ల కాంబినేషన్ లో సినిమా కూడా స్టార్టయితే ముచ్చటగా మూడో మీటింగునూ చూసేయొచ్చు.