బాలకృష్ణ 'రామానుజాచార్య'..!

నందమూరి బాలకృష్ణ మరో ప్రయోగానికి సిద్ధమైనట్టు తెలుస్తోంది. సీనియర్ హీరోలు ఇప్పుడు రొటీన్ మసాలా సినిమాలు తీస్తే ఫ్యాన్స్ కి ఎక్కేలా లేవు. అందుకే వారు ప్రయోగాత్మక సినిమాలు చేయాలని చూస్తున్నారు. వారిలో ముఖ్యంగా బాలకృష్ణ అందుకు రెడీ అంటున్నట్టు తెలుస్తుంది. ఓ పక్క మాస్ కమర్షియల్ అంశాలతో సినిమాలు చేస్తూనే మరో పక్క ఆధ్యాత్మిక కథల మీద ఆసక్తి చూపిస్తున్నారు. ఈ క్రమంలో బాలకృష్ణ విశిష్టాద్వైత సిద్ధాంతకర్త రామానుజాచార్య జీవిత కథలో నటించబోతున్నారని తెలుస్తుంది.

ఈమధ్యనే సమతా మూర్తిగా రామానుజాచార్య విగ్రహాన్ని హైదరాబాద్ లో ఆవిష్కరించారు. మరి అక్కడకు వెళ్లాక బాలయ్యలో ఆ ఆలోచన వచ్చిందా లేక ఎప్పటి నుంచో ఆలోచనలో ఉందా అన్నది తెలియదు కానీ రామానుజాచార్య కథతో బాలకృష్ణ సినిమా చేయాలని చూస్తున్నారట. ఈ మూవీని సి కళ్యాణ్ నిర్మిస్తారని తెలుస్తుంది. 100 సినిమాలు చేసిన బాలకృష్ణ ఆ ల్యాండ్ మార్క్ దాటిన తర్వాత సినిమాల వేగాన్ని పెంచారు.

ఇప్పటికే రాఘవేంద్ర రావు దర్శకత్వంలో పాండురంగ మహత్యం మూవీ లో నటించిన బాలయ్య బాబు త్వరలో రామానుజాచార్య పాత్రలో మెప్పించాలని చూస్తున్నారు. ఇంతకీ ఈ సినిమాకు దర్శకుడు ఎవరు..? సినిమా ఎంత బడ్జెట్ తో ప్లాన్ చేస్తున్నారు..? లాంటి విషయాలు తెలియాల్సి ఉంది. భారతీయ సినిమాల మీద ఆధ్యాత్మిక కథలకు మంచి ఆదరణ లభిస్తుంది.

ఇటీవలే కార్తికేయ 2 అంటూ వచ్చిన చిన్న సినిమా పాన్ ఇండియా రేంజ్ లో సూపర్ హిట్ గా నిలిచింది. ఇక కన్నడ రిషబ్ శెట్టి తెరకెక్కించిన కాంతార మూవీ గురించి తెలిసిందే. 16 కోట్లతో తీసిన ఆ సినిమా 400 కోట్ల పైన వసూళ్లు రాబట్టింది.

ఇండియన్ ఆడియన్స్ ఆధ్యాత్మిక కథలను ఇంకా తెలుసుకోవాలని అనుకుంటున్నారు. వారు ఇచ్చే రెస్పాన్స్ ని బట్టే ఇంకా మరెన్నో అధ్యాత్మిక కథలు ప్రేక్షకుల ముందుకు వచ్చే అవకాశం ఉంది. బాలకృష్ణ చేయబోతున్న ఈ రామానుజాచార్య సినిమా ఎలా ఉండబోతుంది.. దీనికి సంబంధించిన విషయాలు త్వరలో తెలుస్తాయి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.