పండగ గిఫ్ట్ ఇచ్చేందుకు బాలయ్య రెడీ!

రూలర్ టీజర్ కు రంగం సిద్ధం

నటసింహ నందమూరి బాలకృష్ణ ప్రస్తుతం కెయస్ రవికుమార్ దర్శకత్వంలో తన 105 వ సినిమాలో నటిస్తున్నారు. ఈ సినిమాకు 'రూలర్' అనే టైటిల్ పరిశీలిస్తున్నట్టుగా వార్తలు వచ్చాయి. ఈ సినిమా విడుదల ఎప్పుడనే విషయంపై ఇంకా సమాచారం లేదు కానీ డిసెంబర్ లో రిలీజ్ చేస్తారనే అంచనాలు ఉన్నాయి. ఇదిలా ఉంటే ఈ సినిమా టీజర్ రిలీజ్ చేసేందుకు ఫిలిం మేకర్స్ రెడీ అవుతున్నారని సమాచారం.

దసరా సీజన్ త్వరలో ప్రారంభం కానుంది కదా.. ఈ సీజన్లో ప్రముఖమైన పండగ విజయదశమి. అందుకే విజయదశమి రోజే 'రూలర్' టీజర్ ను రిలీజ్ చేస్తే సెంటిమెంట్ పరంగా బాగుంటుందని బాలయ్య అభిప్రాయపడ్డారట. ఇక బాలయ్య ఒకసారి ఫిక్స్ అయ్యారంటే ఆ ప్లాన్ లో దాదాపు మార్పులు ఉండవు. త్వరలోనే ఈ టీజర్ రిలీజ్ విషయం అధికారికంగా ప్రకటిస్తారని సమాచారం. మరోవైపు ఈ సినిమా నెక్స్ట్ షెడ్యూల్ అక్టోబర్ 5 న ప్రారంభిస్తారట.

ఈ సినిమాలో బాలయ్య సరసన సోనాల్ చౌహాన్.. వేదిక హీరోయిన్లుగా నటిస్తున్నాడు. సీనియర్ హీరోయిన్ భూమిక ఈ చిత్రంలో మరో కీలకమైన పాత్రలో నటిస్తోంది. చిరంతన్ భట్ ఈ సినిమాకు సంగీతం అందిస్తున్నారు. ఈ సినిమా సీ. కళ్యాణ్ నిర్మిస్తున్నారు.