బీ సీ సెంటర్లను దడదడలాడిస్తున్న డిక్టేటర్

నందమూరి నటసింహం బాలకృష్ణ అంటే.. మాస్ హీరోయిజానికి కేరాఫ్ అడ్రస్. మాస్ లో మహా రచ్చ చేయడమంటే.. బాలయ్య తర్వాతే. ఇప్పుడున్న హీరోల వరకూ చూసినా ముఖ్యంగా బీసీ సెంటర్లలో బాలకృష్ణకు ఉన్న క్రేజ్ ని కౌంట్ చేయడం కూడా కష్టం. తెలుగు రాష్ట్రాల్లో అన్ని జిల్లాల్లోనూ ఇదే పరిస్థితి అయినా.. రాయలసీమలో ఈ బాలయ్య అభిమానం మరీ ఎక్కువగా ఉంటుంది.

లేటెస్ట్ గా రిలీజ్ అయిన బాలయ్య మాస్ మసాలా ఎంటర్టెయినర్ డిక్టేటర్.. మాస్ జనాలను ఉర్రూతలూగిస్తోంది. మొదటి షో నుంచే పాజిటివ్ టాక్ తెచ్చుకున్న ఈ కమర్షియల్ ఎంటర్టెయినర్.. బీసీ సెంటర్లలో అదరగొట్టేస్తోంది. గురువారం రిలీజ్ అయిన డిక్టేటర్ కి.. వీకెండ్స్ లో కలెక్షన్స్ పెరుగుతున్నాయంటే.. ఫ్యాన్స్ ఈ సినిమాకి ఎంతగా కనెక్ట్ అయ్యారో అర్ధం చేసుకోవచ్చు. ముఖ్యంగా సీడెడ్ లో వస్తున్న కలెక్షన్స్ ను చూసి, ఇండస్ట్రీ కూడా ఆశ్చర్యపోతోంది. మౌత్ టాక్ కూడా చాలా బాగుండడంతో.. బాలయ్య మాస్ విశ్వరూపానికి.. దాసోహం అంటున్నారు అభిమానులు. ప్రస్తుతం బాలయ్య కూడా ఎమ్మెల్యే కూడా.

అనంతపురం జిల్లాలో హిందూపురం నియోజకవర్గానికి ప్రాతినిధ్యం వహిస్తున్నాడు. ఈ సెంటర్లో పాత రికార్డులన్నటినీ తుడిచేస్తోంది డిక్టేటర్. ఇది బాలయ్య 99 సినిమా కావడం, డిక్టేటర్ ఇంత పెద్ద హిట్ కావడంతో.. నందమూరి ఫ్యాన్ సంబరాలు చేసేసుకుంటన్నారు. వందో సినిమా చరిత్ర సృష్టించే మూవీ అవ్వాలని కోరకుంటున్నారు.