బాలయ్య - బోయపాటి సినిమా షూటింగ్ లేటెస్ట్ అప్డేట్..!

నటసింహ నందమూరి బాలకృష్ణ - డైరెక్టర్‌ బోయపాటి శ్రీను కాంబినేషన్‌ లో హ్యాట్రిక్ సినిమా తెరకెక్కుతున్న సంగతి తెలిసిందే. ఇంకా టైటిల్ ఖరారు చేయని ఈ చిత్రాన్ని ద్వారకా క్రియేషన్స్‌ బ్యానర్‌ పై మిర్యాల రవీందర్ రెడ్డి నిర్మిస్తున్నారు. యాక్షన్ ఎంటర్టైనర్ గా తెరకెక్కుతున్న ఈ చిత్రంలో బాలకృష్ణ డ్యూయెల్‌ రోల్‌ పోషిస్తున్నారని తెలుస్తోంది. అందులో ఒకటి ఫ్యాక్షనిస్ట్ పాత్ర కాగా మరో క్యారక్టర్ అఘోరా అని తెలుస్తోంది. ఇప్పటికే విడుదలైన టీజర్ లో ఒక పాత్రను రివీల్ చేశారు. ఇక కోవిడ్ నేపథ్యంలో షూటింగ్ తిరిగి ప్రారంభించి శరవేగంగా చిత్రీకరణ జరుపుతున్నారు. ఈ క్రమంలో నెక్ట్ షెడ్యూల్ ఏపీలో ప్లాన్ చేసారని సమాచారం.

బీబీ3 తదుపరి షెడ్యూల్ పల్నాడు ప్రాంతానికి షిఫ్ట్ అవుతుండట. దీనికోసం ఇప్పటికే గుంటూరు జిల్లాలోని కోటప్పకొండ ఏరియాలో సెట్స్ నిర్మాణం చేపడుతున్నారని సమాచారం. అక్కడ కొన్ని కీలక సన్నివేశాలతో పాటు యాక్షన్ సీన్స్ కూడా షూట్ చేస్తారట. ఈ చిత్రంలో బాలయ్య సరసన 'అఖిల్' బ్యూటీ సయాషా సైగల్ హీరోయిన్ గా నటిస్తోంది. మోస్ట్ వాంటెడ్ మ్యూజిక్ డైరెక్టర్ 8థమన్ సంగీతం సమకూరుస్తున్నాడు. 'సింహా' 'లెజెండ్' వంటి సూపర్‌ హిట్‌ చిత్రాల తర్వాత బాలయ్య - బోయపాటి కాంబోలో వస్తున్న ఈ చిత్రంపై భారీ అంచనాలే ఉన్నాయి. ఈ చిత్రాన్ని వచ్చే ఏడాది సమ్మర్ లో విడుదల చేసే అవకాశం ఉంది.