బాలయ్య-బోయ‌పాటి మూవీ టైటిల్ అదేన‌ట‌..!

నందమూరి బాలకృష్ణ-బోయపాటి శ్రీను కాంబినేషన్లో తెర‌కెక్కుతున్న చిత్రం బీబీ-3. ప్ర‌స్తుతం శ‌ర‌వేగంగా షూటింగ్ జ‌రుపుకుంటున్న ఈ సినిమా రిలీజ్ డేట్ కూడా లాక్ చేశారు మేక‌ర్స్‌. మే 28న ఈ చిత్రాన్ని ప్రేక్ష‌కుల ముందుకు తీసుకురానున్న‌ట్టు అఫీషియ‌ల్ గా అనౌన్స్ చేసిన విష‌యం తెలిసిందే.

అయితే.. రిలీజ్ కూడా షెడ్యూల్ చేసిన‌ప్ప‌టికీ.. ఈ సినిమాకు సంబంధించిన టైటిల్ మాత్రం ఇంకా ఫిక్స్ చేయ‌లేదు. దీంతో.. ఎలాంటి పేరు పెడ‌తారోన‌ని ఫ్యాన్స్ ఈగ‌ర్ గా వెయిట్ చేస్తున్నారు. సింహా, లెజెండ్ వంటి బ్లాక్ బ‌స్ట‌ర్ హిట్ సినిమాల త‌ర్వాత వ‌స్తున్న మూడో చిత్రం కావ‌డంతో ప్రేక్ష‌కుల్లో అంచ‌నాలు భారీగా నెల‌కొన్నాయి.

కాగా.. ఈ మోస్ట్ అవైటెడ్ మూవీకి “మోనార్క్” అనే టైటిల్ ను ఫిక్స్ చేసినట్టు గ‌తంలో ఓ వార్త చ‌క్క‌ర్లు కొట్టింది. ఈ టైటిల్ ను శివ‌రాత్రి రోజున రివీల్ చేస్తారనే ప్ర‌చారం కూడా సాగింది. కానీ.. ఇప్పుడు మ‌రో టైటిల్ వార్త‌ల్లోకి వ‌చ్చింది. తాజాగా ‘‘గాడ్ ఫాదర్’’ అనే టైటిల్ ను పరిశీలిస్తున్నారట. బాలకృష్ణ ఇమేజ్ కు ఈ టైటిల్ స‌రిగ్గా స‌రిపోతుంద‌ని భావిస్తోంద‌ట యూనిట్‌. మ‌రి, ఈ టైటిల్ ను ఫిక్స్ చేస్తారా? లేదా? అనేది చూడాలి. ద్వారకా క్రియేషన్స్ నిర్మిస్తున్న ఈ చిత్రానికి.. థమన్ సంగీతం అందిస్తున్నాడు.