బాలయ్య - రవితేజ డైరెక్టర్స్ ఎక్సేంజ్‌

ఇండస్ట్రీలో కొన్ని సార్లు కాకతాళీయంగా వింతలు.. విడ్డూరాలు జరుగుతూ ఉంటాయి. అనుకోకుండానే కొన్ని కాంభినేషన్‌ లు భలే సెట్‌ అవుతాయి. ఇప్పుడు ఇండస్ట్రీలో బాలయ్య రవితేజలు డైరెక్టర్స్ ను ఎక్సేంజ్ చేసుకున్నారా అన్నట్లుగా సినిమాలు తెరకెక్కబోతున్నాయి. ఈ ఏడాది క్రాక్ సినిమాతో రవితేజకు సక్సెస్ ను ఇచ్చిన గోపీచంద్‌ మలినేని త్వరలో బాలకృష్ణతో సినిమాను చేయబోతున్న విషయం తెల్సిందే. ఇప్పటికే వీరి కాంబోలో మూవీ అధికారికంగా ప్రకటన వచ్చింది. మరో వైపు గోపీచంద్‌ స్క్రిప్ట్‌ వర్క్‌ దాదాపుగా పూర్తి చేసి షూటింగ్‌ కోసం వెయిట్‌ చేస్తున్నాడు.

ఇక ప్రస్తుతం బాలయ్యతో అఖండ సినిమాను తెరకెక్కిస్తున్న యాక్షన్‌ చిత్రాల దర్శకుడు బోయపాటి శ్రీను తన తదుపరి సినిమాను రవితేజతో చేయడం దాదాపుగా కన్ఫర్మ్‌ అంటున్నారు. ఇండస్ట్రీ వర్గాల వారు. ప్రస్తుతం రవితేజ చేస్తున్న సినిమాలు పూర్తి అయిన వెంటనే బోయపాటితో సినిమా మొదలయ్యే అవకాశం ఉంది. వీరిద్దరి కాంబోలో ఇప్పటికే భద్ర సినిమా వచ్చిన విషయం తెల్సిందే. ఇద్దరికి కూడా ఆ సినిమా సక్సెస్‌ మంచి బ్రేక్ గా నిలిచింది. అందుకే ఈ సినిమా పై ఖచ్చితంగా అంచనాలు భారీగా ఉంటాయి. వీరిద్దరి కాంబో మూవీ కి సంబంధించిన అధికారిక ప్రటక వచ్చే అవకాశం ఉంది.

బాలయ్య మరియు బోయపాటి సినిమా అఖండ చివరి దశకు వచ్చింది. మరో రెండు మూడు వారాల షూటింగ్‌ మినహా పూర్తి అయినట్లుగా సమాచారం అందుతోంది. అఖండ సూపర్ హిట్‌ ఖాయం అంటూ అభిమానులు నమ్మకంగా ఉంది. ఇదే సమయంలో బాలయ్య మరియు గోపీచంద్‌ ల సినిమా కూడా పట్టాలెక్కబోతుంది. ఇక రవితేజ మరియు బోయపాటి శ్రీనుల కాంబో మూవీ ఈ ఏడాదిలోనే పట్టాలెక్కే అవకాశం ఉంది. సక్సెస్‌ ఫుల్‌ డైరెక్టర్స్‌ ఎక్సేంజ్‌ తో బాలయ్య రవితేజలు సక్సెస్ దక్కించుకుంటారేమో చూడాలి.