సీనియర్‌ జూనియర్ అందాల తారలతో బాలయ్య 'అన్‌ స్టాపబుల్‌'

నందమూరి బాలకృష్ణ అన్‌ స్టాపబుల్‌ సీజన్ 2 గ్రాండ్ గా ప్రారంభం అయ్యింది. సీజన్ 2 మొదటి ఎపిసోడ్ లో చంద్రబాబు నాయుడు మరియు నారా లోకేష్ రావడం తో తెలుగు ఓటీటీ ప్రేక్షకులు మొదటి ఎపిసోడ్ ను సూపర్‌ హిట్ చేశారు అనడంలో సందేహం లేదు. ఇంకా కూడా టాప్ లో ఆ ఎపిసోడ్‌ ట్రెండ్‌ అవుతున్నట్లుగా ఆహా వర్గాల ద్వారా సమాచారం అందుతోంది.

ఇక అన్ స్టాపబుల్‌ సీజన్ 2 లో యంగ్‌ హీరోలు విశ్వక్‌ సేన్ మరియు డిజీ టిల్లు ఫేమ్‌ సిద్దు జొన్నల్లగడ్డ ను ఎపిసోడ్‌ 2 లో తీసుకు రాబోతున్నారు. ఇప్పటికే అందుకు సంబంధించిన ప్రోమో కూడా వచ్చేసింది. ఇక బాలయ్య అన్‌ స్టాపబుల్‌ సీజన్ 2 ఎపిసోడ్‌ 3 లో ఎవరిని తీసుకు వస్తాడా అంటూ అంతా ఆసక్తిగా ఎదురు చూస్తున్నారు.

తాజాగా అందుతున్న సమాచారం ప్రకారం ఎపిసోడ్‌ 3 లో సీనియర్ హీరోయిన్ రమ్యకృష్ణ మరియు యంగ్‌ హీరోయిన్‌ రాశి ఖన్నాలు హాజరు అవ్వబోతున్నారట. వీరిద్దరు కూడా వారి వారి టైమ్‌ లో అందాల ఆరబోత విషయంలో ఇతర హీరోయిన్స్ ను డామినేట్‌ చేసిన వారే. కనుక వీరిద్దరి ఎపిసోడ్‌ కచ్చితంగా స్పెషల్‌ ఎపిసోడ్‌ గా నిలుస్తుందని అంటున్నారు.

బాలయ్య మరియు రమ్యకృష్ణ ల తో పాటు రాశి ఖన్నా కూడా ఉండటం అనేది కచ్చితంగా అదనపు ఆకర్షణగా అవుతుందని ప్రేక్షకులు భావిస్తున్నారు. రాశి ఖన్నా ప్రస్తుతం ఎక్కువ సినిమాల్లో కనిపించడం లేదు. అయితే అన్ స్టాపబుల్ సినిమా ఆమెకు ఒక మంచి అవకాశం గా నిలుస్తుందనే నమ్మకం ను వ్యక్తం చేస్తున్నారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.