అంజలి బెలూన్ భయపెడుతుందా?

కోలీవుడ్ తనకంటు ఒక మంచి గుర్తింపు తెచ్చుకున్న తెలుగు హీరోయిన్ అంజలి అన్ని తరహా కథలను చేస్తోంది. ఇప్పటికే యాక్షన్ ఫ్యామిలీ ఎంటర్టైనర్ సినిమాలతో మెప్పించిన ఈ బ్యూటీ గీతాంజలి తరహాలో కోలీవుడ్ ని కూడా కూడా భయపెట్టి అదృష్టాన్ని పరీక్షించుకోవడానికి రెడీ అయ్యింది. హారర్ కథలు అంజలి కి బాగా కలిసొస్తున్నాయి.

ఇక రీసెంట్ గా బెలూన్ అనే మరో హారర్ ట్రైలర్ ని రిలీజ్ చేసింది. సినిమాలో జై హీరోగా నటిస్తున్నాడు. ఇక ట్రైలర్ లోనే దర్శకుడు కథను చూపించి కొన్ని ప్రశ్నలను వదిలాడు అని చెప్పవచ్చు. అసలు కథలోకి వెళితే.. బెలూన్స్ అమ్ముకునే అబ్బాయి అలాగే ఒక అమ్మాయి మధ్య ప్రేమ మొదలవుతుంది. ఆ తర్వాత కొన్ని కారణాల వల్ల అతను ఆమెను చంపేస్తాడు. అయితే మర్డర్ జరిగిన చోటునే మరో ఇల్లు నిర్మాణం జరుపుకోగా అందులోకి.. జై అండ్ అంజలి వస్తారు. ఆమె ఆత్మ బెలూన్ లా అక్కడే ఉంటుంది. ఇక ఆ తర్వాత ఎలాంటి పరిణామాలు చోటి చేసుకోనున్నాయి అనేది అసలు కథ.

కథలో కంటెంట్ కొంచెం పాతగానే ఉన్నా కథనంతో దర్శకుడు ఎలాంటి మ్యాజిక్ చేసాడన్నది దానిపై సినిమా రిజల్ట్ ఉంటుంది. జై జోకర్ పాత్ర ఎందుకు వచ్చింది? గతంలో జై తో ఉన్న మరో చిన్న పాప ఎవరు? అనే ప్రశ్నలు చాలా ఇంట్రెస్టింగ్ గా ఉన్నాయి. ఇక కొన్ని సీన్స్ థ్రిల్లింగ్ గా అనిపిస్తున్నాయి. సినీష్ దర్శకత్వం వహించిన ఈ సినిమా డిసెంబర్ 29న రిలీజ్ కానుంది. యువన్ శంకర్ రాజా మ్యూజిక్ అందిస్తున్నాడు.